去過澳門咁多次，每次都希望可以搵到 D 新野食﹗前排聽聞有間火鍋店深受澳門人追捧，經常爆滿，又點可以唔試下呀﹗ 原文：http://heatravel.blogspot.com/2015/07/macau-hotpot.html 我的 Facebook 專頁：https://www.facebook.com/heatravelling 贏到粥位於媽閣廟附近，隱身於豐順新邨小巷﹗一個唔留神，真係隨時會行過左﹗ 贏到粥以提供廣東順德菜色火鍋為主，當中有幾大招牌包括：冬瓜粥底火鍋﹑順德大盤魚﹑火焰鵝等等﹗而今次食嘅卜卜蜆係贏到粥一大招牌菜，愛蒜者必試﹗ 一大鍋卜卜蜆足夠兩個人食，只係 MOP138，可另外再加點火鍋料﹗卜卜蜆以大量蒜蓉和蜆，再加入蔥、辣椒同清湯打造的鍋底﹗ 一滾起，蜆就會逐一打開，接二連工發出「卜卜」聲﹗蜆肉非常鮮甜，再加上蒜香味，真係會令人想食完一隻又一隻，食唔停口﹗ 鍋底有咁多蜆，相信湯頭有幾咁鮮味已經唔需要再多加介紹﹗極力推薦加點配料勝瓜同埋粉絲，可以吸盡湯汁的鮮美滋味﹗ 食完『贏到粥』去賭錢會唔會贏到足可能係一個迷，不過肯定你去完之後一定好滿足，捧著個肚走﹗
