成日睇日本旅遊特輯,講溫泉區嘅時候都會介紹到砂浴,今次去到九州,終於有機會體驗下被熱辣辣嘅砂覆蓋著嘅感覺﹗指宿市距離鹿兒島大約個半鐘車程,位於指宿火山群附近,到處都係溫泉泉湧,沿岸砂灘就被地下泉脈蒸熱,更被發展成熱砂浴﹗ 原文:http://heatravel.blogspot.hk/2015/04/Japankagoshima-ibusuki.html 我的 Facebook 專頁:https://www.facebook.com/heatravelling 指宿砂樂會館擁有最著名嘅天然沙浴場,樓高三層,除左砂浴次外,亦可以浸一般嘅溫泉。 砂樂會館營業時間由朝早 8 點到夜晚 9 點,但 lunch time 時間會閉館打掃,記得留意時間﹗ 砂浴浴場位於海邊,要享受熱砂浴就要先到二樓付款,入浴料金有分兩種,¥920 可以享受砂浴,而俾多 ¥610 就可以浸埋溫泉﹗另外建議用 ¥110 買條小毛巾,砂浴時包住個頭用嘅﹗ 俾左入浴料金就可以落番一樓更衣室換上砂浴專用浴衣 (記得浴衣入面要真空呀﹗內衣褲都要脫掉~脫掉﹗)﹗換好衫就可以拎埋小毛巾行出去海灘果邊﹗(順帶一提,砂浴可以影相,你可以將相機交俾職員為你拍照留念﹗) 點擊圖片放大 +2 浴場位於海邊,擁有無敵海景﹗去到就會有職員過帶你到砂浴池。 職員建議嘅入浴時間係大概 10 分鐘。如果過程中覺得太熱,可以動一動身體,將手腳露出。 職員挖好一個大洞俾你訓上去之後,就會開始用鏟把沙一層層咁將你埋下,只露出頭部。砂溫大約係攝氏 50-55 度之間,而覆蓋全身嘅砂大約重 20kg。砂嘅高溫加上重量,可以加速血液循環,據說可以舒緩腰痛和肩膀痛,令疲勞全消。被埋幾分鐘就已經滿頭大汗,非常過癮﹗