因為知道世界の山ちゃん 已經在香港開店,所以之前去日本的時候就打死都無去食。但自從之前去名古屋食過名物手羽先,就一直對果種惹味念念不忘,所以決定去世界の山ちゃん 尖沙咀分店止止渴﹗ 原文:http://heatravel.blogspot.com/2015/02/worldyamachan-japanese-tst.html 我的 Facebook 專頁:https://www.facebook.com/heatravelling 當日預約了夜晚 7 點半,去到嘅時候已經見到有大條人龍,而用餐期間亦發現人龍不絕。由於店面唔算大,而且去到居酒屋,食客大多都會傾下計﹑飲番杯,所以提提大家,去世界の山ちゃん記得預早訂位﹗ 店內全部侍應都操一口流利的日文,再加上唔少日本食客,去到世界の山ちゃん實在有置身於日本居酒屋中的感覺。世界の山ちゃん來到香港,菜單上依然提供了各款名古屋特色料理,而招牌菜『夢幻雞翼』就當然唔少得啦﹗ 在世界の山ちゃん,食雞翼嘅獨門秘訣教學無處不在,就連筷子套上都有﹗卡通版﹑真人版等等,先將雞翼上下折斷,教你食雞翼點樣食得乾乾淨淨﹗ 點擊圖片放大 前菜有關東煮同冷奴豆腐等等,美味非常,感覺好似是要喚醒你對日本美食的思念一樣。 夢幻雞翼一份有五隻,香口惹味,外皮香脆,內裡肉嫩﹗絕對係送啤酒嘅絕配﹗ 鐵板豚肉燒,一塊塊的豚肉把底下的蔬菜蓋住,加上帶微辛的醬汁,在鐵鍋上慢慢煮熟,濃郁好味道。 即製玉子燒,蛋漿一層層煎香捲成,蛋香味濃,口感鬆軟。 居酒屋唔少得的是要飲品夠多款,世界の山ちゃん更有提供現榨汽酒,新鮮水果自己即場鮮榨,有得玩,又好飲﹗ 點擊圖片放大 +2 Cashier 附近連紀念品專櫃都有,實在係將日本店所有元素都帶到香港﹗