位於銅鑼灣登龍街的 Midtown 金朝陽中心可以話係最新搵食熱點，話題食店開完一間又一間，世界名廚 Jamie Oliver 嘅意大利餐廳﹑美式扒房 The Chop House ﹑人氣日本沾麵三田製麵所等等，長期排晒長龍﹗樓高 31 層嘅 Midtown 又點只咁少好野食，不少頂尖餐廳都已經進駐，包括位於 8 樓的小蝶 ZEN TOO。 原文：http://heatravel.blogspot.com/2015/02/hk-midtown-zen-too.html 我的 Facebook 專頁：https://www.facebook.com/heatravelling 小 蝶 ZEN TOO 由著名高級中菜廳采蝶軒老闆的女兒開設，取名為小蝶，可以話係采蝶軒的年輕版。店內裝潢時尚優雅，餐具色彩繽紛，店內外都放了不少蝴蝶擺設。餐廳供應菜式 非常多，而且非常創新，最特別的地方是全部均以 Tapas size 供應，細細碟﹑款多多，絕對可以滿足三心兩意的朋友，三五知己人少少都可以試到好多款菜式，真正齊齊開心Share﹗ 小蝶擺盤精緻。藕斷絲蓮味道甜甜，口感獨特。 鎮江小排骨，味道酸酸甜甜，十分開胃。 招牌菜菠蘿 - 菠蘿咕嚕肉手工精緻，將咕嚕肉釀進酥脆的菠蘿包，咕嚕肉入口外脆內嫩，甜甜酸酸的，惹味非常。以菠蘿包搭配咕嚕肉大膽創新，好有心思。 重慶石鍋豆花魚係小蝶的另一招牌菜。充滿辣勁的石鍋魚加上一桶香滑豆腐花，可以自己根據個人口味以豆花調教石鍋魚的辣度，怕太辣的話可以加入豆花中和一下辣勁。石鍋魚內的雲耳和龍脷魚柳吸盡湯汁精華，四川花椒味充斥著味蕾，非常過癮。 幾個朋友去食中菜最怕就係份量太大，叫一﹑兩樣就夠晒，小蝶 ZEN TOO 細細碟，可以叫多幾款一齊 share，而且菜式美味創新，絕對可以滿足到愛試新野嘅朋友﹗
