華欣喺呢幾年慢慢發展成一個成熟嘅旅遊區，Let's Sea @ Hua Hin Al Fresco Resort 有幾受歡迎應該唔需要再多介紹。 Let’s sea 總共有 50 間客房，建於中間運河泳池兩側，分上﹑下兩層，有兩種房型，分別係 Studio Pier 同埋 Moon Deck Suite。Studio Pier 位於一樓，係 pool access 房，喺露台可以直接跳入泳池，房價亦比較貴，大約 Baht 5999 (未連稅)；Moon Deck Suite 就係二樓嘅 pool view 房間，可以上頂樓天睇下，房價就平少少。建議大家唔好慳果少少錢，既然去得 Let's Sea 就梗係要住 Studio Pier 啦﹗ Let's Sea @ Hua Hin Al Fresco Resort 嘅裝飾設計一絲不苟，設計具現代感、風格簡單，由走進大堂開始，你會發現去到每一個地方﹑每一個角落都係經過精心設計。走入 Let's Sea，你就只會想留喺 resort，邊度都唔想去﹗ 點擊圖片放大 Let's Sea 提供免費停車場俾住客，更加可以停番喺自己果棟 resort 下面。 Let's Sea 房間非常寬敞，採取自然光設計，房間佈置簡約舒適，感覺好 relax。 Studio Pier 最大賣點，梗係推開房門，走進小露台就可以跳入泳池啦﹗泳池盡頭更設有一個Bar，游下水﹑曬下太陽﹑飲杯 cocktail，感覺好似去左世外桃源一樣﹗小露台仲有靠椅，坐喺度曬下太陽﹑睇下書，好容易就會不知不覺消磨左一個下午。點擊圖片放大 飯店後面係 Let's Sea 專屬沙灘，雖然唔似 Pattaya 嘅沙灘咁有好多水上活動，但 Let's Sea 就喺沙灘旁邊放左好多床同躺椅，攤喺度望住靚海景晒太陽一流﹗ 點擊圖片放大 +3 不得不提嘅係 Let's Sea 房價係包左早餐嘅，早餐時間只到 11 點，大家千祈唔好 miss 左﹗因為 Let's Sea餐廳擁有無敵海景，面對著大海，吹吹海風，享受一個美味嘅早餐，令人一日充滿能量﹗ 點擊圖片放大 +2 詳文及更多照片：http://heatravel.blogspot.hk/2014/03/lets-sea-hua-hin-resort.html 請支持，用心分享，Facebook：https://www.facebook.com/heatravelling Let's Sea @ Hua Hin Al Fresco Resort 電話：+66(0)32 536 888 地址：83/188 Soi Huathanon 23 Khaotakieb – Hua Hin Road Hua Hin, Prachup Khirikhan 77110 THAILAND 官方網頁：http://www.letussea.com/ Facebook 專頁：Let's Sea Hua Hin Al Fresco Resort
