呢間貓 cafe 原名『貓ちゃんの友達』，直接翻譯做中文就係貓先生的朋友﹗係大安區忠孝復興捷運站附近嘅一間貓 cafe﹗『貓ちゃんの友達』係一間非常溫馨嘅小店，不論係裝修﹑擺設同食物都好用心去經營﹗當然唔少得嘅係『貓ちゃんの友達』入面幾隻非常可愛嘅貓店長 啦﹗當你置身喺『貓ちゃんの友達』，你就會聽到「好可愛﹗好可愛」叫個不停 ﹗愛貓之人一定唔可以錯過！ 原文刊於：http://heatravel.blogspot.hk/2014/03/taipeicatcafemr.catwithfriend.html Facebook: https://www.facebook.com/heatravelling 貓先生的朋友外面有一個可愛小花園，而且仲設計左一個鞦韆放卡片。 推開紅色嘅大門，入到店面，感覺由一個繁忙嘅東區走進一個溫馨又舒服嘅小空間，感覺好 peaceful 同 relax﹗ 『貓ちゃんの友達』 地方不大，座位亦唔算多，有個小吧檯同埋大約 7-8 張檯﹗裝修風格非常簡單溫馨，而牆上面亦都放左好多貓咪相。 右手邊嘅牆上，有一塊好大嘅黑板介紹左新套餐同主打飲料。『貓ちゃんの友達』提供免費WIFI，而密碼亦都清楚寫左喺黑板上面。梳化旁邊有個書櫃，客人可以自行取閱。 『貓ちゃんの友達』提供左 set breakfast﹑三文治﹑pizza﹑tea set﹑鬆餅﹑咖啡同水果茶等。當日就特別預約左大約十一點，整番個早餐，為一日嘅旅程嚟個好開始。 叫左一個『裝不下早餐』 ，除左附送沙律之外，仲有當日新鮮現打果汁或牛奶﹗沙律好好食，新鮮蔬菜配口味清爽嘅芒果沙律醬，再加上鮮榨果汁，好 refreshing﹗ 早餐名真係無改錯，如果一個人食，一定『裝不下』﹗一大碟，有生果﹑三角薯餅﹑煎雞胸肉片﹑火腿﹑勁大塊Bacon ﹑燻牛肉 ﹑炒蛋同埋牛角包﹗早餐上面每一樣野都好好食，特別係炒蛋，好滑而唔會過熟。另外，仲有牛角包，外酥內軟，入面仲夾住一塊 chesse，好香﹗ 裝不下早餐 NT310 Mocha 咖啡香濃好喝 水果荼加上焦糖會更加好飲 除左好咁好味又認同製作嘅野食之外，店入面仲有幾位貓店長，隨時出嚟同你見面﹗大家要記得影相嘅時候唔好開閃光燈，如果唔係會傷到貓咪眼仔嫁﹗ 唔知係咪因為太早，貓咪店長小三昏昏欲睡 過左一陣，小三終於醒喇﹗眼仔look look﹗ 小三坐喺書櫃前面，擺出一副高傲姿態，好英偉﹗ 之後貓咪店長黑熊都醒左，仲喺梳化要人同佢玩添﹗ 貓先生的朋友為客人準備左貓玩具，同貓呼店長來個近距離互動﹗ 小三玩得好激動 我覺得『貓ちゃんの友達』係一間好用心經營嘅溫馨小店，裝飾得好用心，每個小角落都會有貓咪出沒！愛貓之人一定樂而忘返﹗雖然係貓 Cafe，但就一 D 味道都無，環境相當乾淨﹗ 貓咪先生的朋友 電話：02-2731-8387 地址：台北市大安區大安路一段83巷7號 營業時間：09:00 - 21:30 Facebook 專頁：貓咪先生的朋友
