正所謂農曆新年，到處拜年 拜年第一句說話當然係「新年快樂，恭喜發財」 再之後就係啲祝福說話 通常離不開都係：身體健康、龍馬精神、青春常駐、今年賺多啲等等嘅官方式祝福語 今年拜年，從朋友口中聽到個故事，是咁的： 話說佢屋企工人已經同佢地共處咗一年時間 呢一年裡面佢懶得就懶，食得就食，瞓得就瞓 叫佢做嘢永遠都係「拖字訣」：一陣先 問佢問題就永遠「耍太極」：I don’t know I don’t know 屋企人對佢其實都唔多滿意 但明白「好工人難求」呢個道理 所以都「隻眼開，隻眼閉」 今年新年前，爸爸媽媽就諗住進行一年一度大掃除 就叫工人姐姐清潔下呢一年裡面佢都從來冇清潔過嘅地方啦 而爸爸媽媽亦都有一齊賣力以身作則 呢一日嘅除塵日亞工人姐姐已經口黑面黑 實行「西口西面，冇水洗面」咁嘅樣 到夜晚十點幾，當爸爸媽媽仲努力緊嘅時候 亞工人姐姐竟然同佢地say goodnight 然後就九秒九轉個靚身入房瞓覺 媽媽當然氣上心頭但仍然好有禮貌同佢say goodnight，之後繼續滴汗加油 逗利是嘅日子終於都來臨喇 工人姐姐未到年初四就已經初四咁樣樣 四萬咁口係咁同媽媽講「恭喜發財」 媽媽當然無視佢亦冇派利是比佢 與此同時，媽媽心裡已經擇好良辰吉日同佢say goodbye 工人姐姐毫不察覺媽媽呢個即將進行嘅surprise 一連幾日嘅親朋戚友團拜日 媽媽將佢內心嘅憤怒同大家分享 佢哋聽完個個都恭喜媽媽唔洗再咁勞氣 亦祝福媽媽快啲揾到個好工人 媽媽話新年最開心竟然係聽到呢兩句說話 以後大家聽到身邊有人要換工人 不妨恭喜佢同祝福佢 因為呢句可能係佢果刻最想聽到嘅說話 勞氣少啲，身體健康會多啲 開心多啲，周身病痛會少啲 Facebook Page: www.facebook.com/phoebeliu1012 Instagram: saileimui WeChat: SaiLeiMui
