香港地，號稱美食天堂 各式各菜，只要你講得出，都一定揾得到。 問題在於：所謂美食，係咪真•美食？ 有幾多間食肆，因為生意淡薄，或者負評太多，同一位置，開完又執，執完又開，換下個名，改下裝修，老闆伙記，依舊同一班底，食物品質，依舊參差求其。以為改頭換面，就可以瞞天過海。佢地嘅精神，就係投放響金錢利益上，無任何良心價值存在。 明白嘅，租金問題，寸金尺土，個個都想以最低成本獲得最高收益。賺錢固然係必定目的，但大前提底下，賺得心安理得嗎？“賺到盡”係大多數僱主首要前提目的。基於前提原因，食物質素最唔重要，因為「一樣米養百樣人」，你唔食，都會有人食，佢洗淆底少你一個半個客？既然最重要嘅嘢都對佢地嚟講係毫無重要性，更何況其他質素？ 明白嘅，人類問題，客人麻煩，諸多要求，比果一百幾十想有皇帝般享受，員工固然做到滑晒瓦，你食就食，唔食就罷就，咁唔滿意咪去第二間食囉，「投訴接受，態度照舊」，佢做又三十六，唔做又三十六。 再諗下，整間公司上上下下都咁「齊心」，有因就必有果，最終熟客留唔到，生客密投訴。 最近去咗一間越南fusion食館。舖面面積唔大，坐位唔多，但裝飾佈置好有親和感，因為牆上都貼晒相同搞笑嘅句語牌，加上開放式廚房，廚師同食客有一個交流點。食物、衞生同服務絶無異議，呢三樣對我嚟講係最重要，「求其」兩個字絶對唔會出現響呢間小舖，「性價比高」形容得最貼切。 我欣賞創辦人由創業至今冇被現今環境熏陶，仍然緊守自己嘅原則，創業難！守業更難！但佢做到！ 未必人人會笑住入嚟食，但會人人笑住咁食飽走。單係「笑著離開」已經係雙贏嘅局面，亦係整間公司所有人嘅功勞，力證「團結精神」。 點擊圖片放大 法式芝心蝦多士 鴛鴦雞飯 海膽手撕雞檬紙卷 越南仔 De Viet Son 旺角廣華街2-20號翠園大樓二期地下8號舖 電話：2488 9191 Facebook Page: www.facebook.com/phoebeliu1012 Instagram: saileimui WeChat: SaiLeiMui
