香港商場臨立 最為人熟識莫過於大型商場 而進駐呢類商場嘅商戶 唔係大品牌就係高價品 而且9成係服裝同化妝 所以我永遠抱住“Window Shopping”嘅心態 相比起小型商場 每次都有戰利品 小型商場優勢： 1. 連鎖店較少 2. 商户類別較多 3. 人流較平均（最少起碼唔會突然乜乜節日大特賣，迫到行一步都要幾分鐘） 4. 同種類貨品一般比大型商場便宜 我個人有2種類型商舖特別鍾意行 一：傢飾 二：食品 食呢樣嘢。。會不知不覺越買越多 正所謂。。民以食為天 開心又食。。唔開心又食 最緊要係食得健康啫 沙田京瑞廣場2期有間專賣環球進口嘅店舖 舊址響土瓜灣，搬咗過沙田大半年 主要賣蔬菜水果凍肉 有咩咁特別？ 冇㗎。。只不過買咗八舊水野之嘛 或者可以用4個字嚟形容 「貨真價實」 香港地貴為一個開放嘅地方 各行各業，各式各樣，各種各類，真係咩都有 特別？只要你自己認為係特別嘅咪得囉 好多嘢唔係得到所有人嘅認同先至係「確定」嘅 我鍾意佢地夠老實 質素有保證 唔靚嘅嘢會抽起，唔洗自己左揀又揀 有問必答但又唔會hea答 同品種貨品，價錢相對地比其他超市平 夠啦下話？仲想要乜要求？ 估唔到舖仔細細竟然容納到咁多貨品 生果、蔬菜、凍肉、有機食品、醬料、飲品、雪糕 因為佢地明白，作為顧客，當然希望入到一間店舖，可以買到晒想要買嘅嘢 而作為一間「Mini Market」，空間有限，又想豐富顧客對眼睛，唯有量少種多 正所謂「貴精不貴多」丫嘛 而取勝之道亦在此 呢個係商户與顧客雙贏局面 食材日日清，又包新鮮 點擊圖片放大 +7 我嘅三甲之選 「澪」sake 顧名思義，飲咗好似冇飲過咁，因為真係好好飲，甜甜地，易入口，不知不覺間真係可以自隊3支。我去食日本餐見到一定會叫嚟飲，當然價錢有所不同，所以我見到就諗都唔洗諗，掃幾支先 無花果 即場地已經忍唔住要食一粒，冇挑剔 印尼蜜糖蕃薯 好好好好好甜，產自印尼火山附近，結合天時地利，食過返唔到轉頭，我連皮食㗎 仲有就係有微信支付同八達通 都唔夠？唔緊要，仲有PayMe 即使你帶唔夠現金都冇有怕 呢啲。。咪照顧周到囉 温馨提示： 想知佢地當日返咗啲咩貨，又或者想訂貨/留貨， 可以去佢地個Facebook Page度睇，佢地都update得幾快㗎。 唔想白走一趟，記得早啲去掃貨 G2 food 沙田石門京瑞廣場2期1樓101A15-16號舖 Tel：9444 1267 營業時間：10:00-20:00 Facebook：G2 FOOD Instagram：wingyeefood Facebook Page www.facebook.com/phoebeliu1012 Instagram: saileimui WeChat: SaiLeiMui
