根據調查，香港人工作工時係全球最長嘅城市 而OT就好似指定動作咁 步伐急促、分秒必爭係香港人嘅工作模式 連lunch同dinner都以快餐為主 莫講話家常便飯 所以我地經常性缺乏“湯水” 基於時間嘅理由 我地好難抽到時間響屋企煲個靚湯 唯有響外出用膳先有機會飲 講起湯，有滾湯、煲湯、燉湯 我鍾意燉湯 因為精華夠濃縮而不燥熱 點擊圖片放大 +2 呢幾年都有唔少“靚湯速遞” 有啲人可能覺得直接送到公司夠方便 的而且確係方便嘅 但就有種“冇氣抖”嘅感覺 所以有得揀我會揀可以坐底輕鬆飲 可以落街“抖下氣”係唔同啲嘅 荔枝角有間專飲燉湯嘅小店『燉』 舖名名副其實，簡單而明確 就正正響地鐵站出口傍 小店簡潔乾淨 所有燉湯都係原盅燉4小時 無鹽無味精無雞粉 如果覺得唔夠味，可以自行再落鹽 而我地就鐘意「原汁原味」，清清淡淡 為咗配合繁忙嘅香港人 亦都有自家制嘅飯盒 款色唔多皆因人家以「燉湯」為主打 同時走健康路線所以味道唔會太濃味 主角雖然係燉湯 但亦有大大小小嘅配角 小食、飲品、甜品、點心 成為燉會員仲會收到whatsapp優惠同新品推介 見到佢張poster嘅震撼價 的確震撼到令我覺得老闆蝕入肉 $0嘅飯，$0嘅湯 皆因真係有「咁大隻蛤乸隨街跳」 目的當然想大家百忙中勿忘健康 【燉】 地址：荔枝角長義街10號昌隆工業大廈地下3A2號舖 電話：2816 1411 Happy Together 快樂同盟 Facebook Page: www.facebook.com/happytogether.girls Instagram: Instagram.com/happytogether.girls Phoebe Liu - 霏比 Facebook Page: www.facebook.com/phoebeliu1012 Instagram: saileimui WeChat: SaiLeiMui
