出得嚟聚 最緊要笑 唔好以為一班人柴娃娃一定要落酒吧 比起酒吧，更享受嘅，莫過於「私竇」 呢個「私竇」會令你“懷念過去” 你會見到一啲小時候嘅玩具 遊戲機、公仔、擺切 緊有一樣會勾起你兒時回憶 點擊圖片放大 +4 呢度最吸引我嘅就係佢副麻雀 因為就算唔識打牌都可以玩 唔好以為4條友打麻雀一定要有萬筒索番 比起「造牌」，更難造嘅，係「造句」 而呢啲句子，係一句句嘅粗口 平時講粗口簡直可以用「流暢」嚟形容 估唔到見住一粒粒嘅粗口牌 可以呆滯幾分鐘 玩法其實有幾種 我地緊係由最BB班開始啦 玩法係每人拎13隻牌 第一輪最少要造到5隻牌嘅粗口 之後就冇規限 總之造到句流暢嘅粗口 再好有氣勢咁大聲講出嚟 其餘3位如果覺得出牌一方啲粗口牌唔流暢嘅可以要求收回 如每輪到出牌一方已經組唔到粗口就要拎一隻牌 最快打出晒自己啲粗口牌嘅就勝出 點擊圖片放大 +2 其實仲有其他玩法嘅 不過就等你地上去玩嘅時候叫「角主」(即係角樓嘅主人)介紹啦 仲有呀。。呢度係有粗口麻雀比賽㗎 想表演下自己嘅粗口有幾出神入化？ 咁記得去練習下喇 想約埋一班人一齊hehehaha柴娃娃 咁就聯絡角主約個期啦 角主: 亞Boy - 9326 3489 Facebook Page: www.facebook.com/happytogether.girls Instagram: happytogether.girls Facebook Page: www.facebook.com/phoebeliu1012 Instagram: saileimui WeChat: SaiLeiMui
