下午三點三，呢D下午茶時段，通常都係high下tea。 食下cake，飲下咖啡，再唔係嘆個下午茶，誓估唔到我會孖住個朋友走去大去埔打個邊爐。 有咩吸引我打個邊爐都要去大埔？ 皆因呢個舖頭想當年喺沙田ge時候聞名"碳爐燒"， 但由於想去嘅時候老闆已經因為被領展加租而光榮結業。 事隔一段時間，老闆從出江湖，喺大埔人多車多嘅當眼處從開"廣東人小廚" 雖然得悉已經冇咗碳爐燒，但我都係好想入去走一躺，以彌補返去唔到沙田嘅心結。 2個人本來諗住叫小菜，殊不知老闆問有冇趣十下十下？ 我地你眼望我眼咁，不約而同咁講咗句"下？打邊爐？2個人咋wor…晏晝咋wor…" 老闆話︰"車，咁又點？邊個話lunch唔可以打邊爐？" 佢啱！邊個話三點三唔可以十下十下？再被佢個"大眼雞蕃茄湯底"吸引咗，成交！ 2個人可以食得D咩丫，又唔係大胃王， 於是就淨係叫咗碟靚牛同鵝腸。 點擊圖片放大 +2 見到果煲勁足料嘅靚湯，湯滾嘅時候唔係即刻落野食落去， 而係乜都唔洗諗，緊係飲番兩啖正湯先la！ 蕃茄味比我想像中要濃，但你知道並唔係味精水。 2條友未食野就已經先飲咗兩碗。 牛肉同鵝腸都好新鮮，鵝腸值得一讚嘅。 因為平時喺出面食果D，放咗落個煲度唔洗5秒就消聲匿跡，一係就變晒色仲要鞋霎霎。 由於友人唔好鵝腸，我一個小女子，食咗大半碟，如果唔係飽到上心口，我一定會食晒！ 牛肉同大眼雞被我地K.O.，所以質素不用質疑。 唔知係咪我地食得太津津有味，後面台一坐底就話要食我地果個煲， 果刻我地真係知道…老闆冇介紹錯，而我地都大揀錯！ 走之前見到好有愛嘅事情，就係餐廳喺12月24平安夜下午向長者派出216個午飯， 為長者們送上一份溫暖，真係好有愛呀！ 溫馨提示︰聽聞夜晚都有人龍排隊，所以想食嘅不防揀晏晝或者夜晚過咗9:00後， 再唔係建議你地早少少打電話去book位同留定自己想食嘅食物。咁就避免空歡喜一場喇！ 地址︰大埔廣福道106號培錦樓地下4號舖 電話：+852 2686 1778 My Facebook : https://www.facebook.com/phoebeliu1012 WeChat : SaiLeiMui
