月月嘅5歲生日蛋糕 8月1日係咩日子？係月妹嘅生日啊！ 我地一家為咗同佢慶祝就帶咗佢去澳門嚟一個3日2夜嘅生日之旅。 Day 1 10:30 由上環出發去澳門巴黎人 12:30 係巴黎鐵塔(假冒的)入面嘅巴黎軒食Lunch 14:00 check in (當日我揹住咗細佬，所以唔使排長龍，可以用優先通道啊！所以好快搞點！仲有啊！原來如果入住嘅客人有壽星嘅話仲會有蛋糕送㗎，但係要係check in 前4個鐘頭通知，如果唔係就會冇㗎啦！我就係唔知要前4個鐘通知，所以冇蛋糕食，但check in嘅姐姐好好送咗份禮物比月月妹，係一個水晶球嚟㗎，月月妹都好開心！) 15:30 出發去Sanrio times 展覽，嘩入！係入面真係搵到好多童年回憶啊！月妹不停要求影影相，連日仔都玩到唔捨得走tim啊！ 19:30 出發去開生日會，今次開生日會嘅地方位於沙梨頭附近，係一間親子餐廳，有一個個區比小朋友玩，大人主就可以安心咁傾計啦！我覺得個兒童玩樂區有點小，食物品質亦一般，但價錢合理，而且用餐地方干淨，係澳門親子餐廳又不多，所以都值得一試！ Day 2 09:00 喜來登酒店食功夫熊貓早餐，呢個早餐食物款式多，又有功夫熊貓等卡通人物出黎同d細路玩、影相，仲有波波送，細路會勁開心，所以大力推薦要試！月妹當日仲有獅子Alxe為佢送上生日蛋糕仔，佢興奮到食完早餐後個嘴笑到無合埋過啊！日仔就邊食係到跳舞啊！ 12:00 登塔，由於入住嘅時候送咗4張上鐵塔觀光層嘅門票，於是一家5口就開始登塔啦！(日仔係唔使票嘅)，所以4張票5個人登塔。返落嚟嘅時候見到個畫家，仲有得畫免費人像素描tim啊！ 16:00 巴黎人水世界盡情放電(門票都係入住嘅時候送嘅），雖然入面唔算好大，但有多個唔同長度嘅水滑梯，比隔離漂流流更合適細路仔。月妹除左最高嘅滑水梯玩唔到之外，其他都玩到至少一次，而日仔就因為太細個所以我抱住佢玩咗同一條流水梯10次或以上⋯⋯呢個水上落園有一樣我覺得差少少嘅係明明話6點關門，但係好早(17:40)就清場，所以玩得唔夠盡興。如果下次要去玩一定要早d去先得。巴黎人酒店有另一個泳池嘅，但係嗰個泳池就好細而且仲逼滿人，所以我地係冇游過嘅。 19:30 晚飯時間，我地今次就光顧咗一間位於巴黎人3樓嘅中餐廳，食物都okay 㗎。 Day 3 08:30 巴黎人自助餐食早餐，款式多，味道也不錯。最特別早餐都有煙三文魚食啊嗎！仲有最奇怪係雖然人很多，但冇咩人攞煙三文魚喎！ 11:30 Planet J玩冒險遊戲，係入面可以明正言順咁打機，打怪獸，仲有唔同嘅服式比你著住咁玩，咁就可以更加投入啦！4歲以下唔使錢，仲有限時優惠，有興趣可以試試，月妹話好好玩，佢仲不停話我知有咩玩tim啊！(由於自己有嘢做，冇親自同佢去，佢講到咁好玩，我下次都一定要試吓先) 16:00 返香港-結束3日2夜之旅。
