9 Oct Breakfast - home 9:00am victoria station 散步到騎兵 + 唐靈街 underground Horse Guard 步行 11:30am 白金漢宮 - 換兵交接 步行 12:00pm Lunch 步行 2:30 – 5:00pm phantom of the opera 步行 閒逛 China Town, Leicester square, M&M World London 步行 Dinner @ Apartment underground + bus 早上係 apartment 食完早餐後,便搭巴士到 King's cross station去搵 Harry Potter 的9 3/4 月台. Apartment 對出的巴士係 24小時循環線,巴士頗密,5分鐘到 King's cross station,可以轉tube 去唔同地方, 去邊都好方便 雖然我唔係 Harry Potter 的Fans, 但基本上King's cross station 係我地每日必經的站。無理由不去望望。 月台就係 platform 8,9附近,好容易見到。 真幸運,可能早上的關係,完全唔駛排隊就可以影相,月台上放左半架行李車,職員會建議你圍上頸巾讓圍巾飛起,感覺就像你要闖進月台一樣。(真熱心) 月台隔壁便是 Harry Potter 專門店,有進去逛逛,但...好貴哦! 之後便出發到白金漢宮看御林軍的換班儀式。由地鐵站沿路前往2旁都是樹蔭,慢慢散步前往,行著都覺得舒服 到達白金漢宮時間尚早,決定再向前走,先到 Horse Guard 參觀 樹葉都整齊的掃到一邊,忍不住拍照 幸運地,剛好是 Horse Guard的換班交接儀式 ,英國一向保留不少傳統的儀式,我想士兵換班算一種,儀式一絲不茍,2隊士兵對站著不動都頗長時間。老公無聊問"佢地係咪係度默禱" 。 參觀完便返回白金漢宮,簡直晴天 pig pig, 被通知今天沒有換班儀式.....!!好失望 沒辦法,那唯有在外邊拍拍照吧. 沿路真的很適合散步,慢慢走走看看,穿過Green Park,一個皇家公園,便回到大街,隨意找間餐廳午膳,因為想食 Fish & Chips, 見這間餐廳有便進去試試 沒想到 Fish & Chips 味道不錯呀,魚肉不太乾。你知在外國吃魚9成是不好吃的,這個好吃得有點意外。另外,亦選了肉醬意粉,普普通通啦,正常口味 第一餐的 Fish & Chips 到倫敦當然要看一場歌劇,選了 Phantom of the Opera, 門票是出發前於 premium Tour 網站訂購的,幾經考慮最後選了下午場次,一來時間比較適合,二是同一座位晚上和下午場價格爭太遠啦!下午場折扣接近半價但晚上沒折扣呀! Phantom 係倫敦的長青節目,基本上觀看的都係遊客,所以無咩 dress code 特別需要注意,正常便可以,但我建議拖鞋、短褲,牛仔褲還是避免吧! 用4英磅買了一本場刊, 主要內容就是演員簡介,有點失望。個人建議不太值得買,另外,除了場刊,中場休息還會賣雪糕呢 但 show 是真心的好看,建議到倫敦旅行的不可錯過 (某人想看多一場孤星淚呢!) 散場後人頭湧湧,加上可能到了放工時間吧,街上滿多人! London 景點其實頗集中,劇院附近便是 Leicester square ,China town 。 3層高的M& M 專門店,色彩奪目,無理由唔進去朝盛一下。 看見不同造型顏色、不同造型的 M&M就叫人心花怒放。 影相的位置亦超多,最多人影的頭號一定係 Abbey Road 看見所有特別版的M&M 會立即刺激你的購買慾。當然明白M&M其實全部都一樣味,但顏色唔同,食的心情就唔同啦! 還弄了特別版的 M&M,就是tailor made 屬於你自己的 M&M, 你可以在電腦選四款文字、圖案,選好你要的 M&M 顏色,親自把你選好的 M&M倒進這條綠色管道,不一會屬於你的獨一無二 M&M 便製作完成。 (圓了當年結婚弄不成的心願呢!) 粉色系列 英國的唐人街較美加的太有規模亦乾淨好多,真的是一個景點,不同種類的餐廳,自助餐任選。All u can eat 8英磅便有交易,想吃中餐又要平的可以考慮。我決定帶某人感受一下我當年讀書常幫襯的唐人超市,順便買食材回 apartment 預備晚餐 phantom of the opera - 訂票