一直都想同大家分享一下這間位於銅鑼灣 既越南食店─【香河越南餐廳】 第一次品嚐，係書展後到銅鑼灣大敗後， 當時同木獨人餓到肚皮 都叫咕咕~聲，誤打誤撞就衝左入去， 仲記得門面唔算好靚，本著食左先算 就入左去囉！ 點知，第二次山長水遠都要再黎食 :) 兩次我都點左 炸扎肉湯河* 味道 唔算太濃，但絕對夠味， 扎肉 係剛炸起，個面仲係脆脆地！ 木獨人 必點既咖哩雞湯河* 咖哩味足，河粉入晒咖哩味， 料夠，雞超大件，仲有薯仔， 重點係個咖哩雞入味之餘仲好嫩，好滑。 絕對 推薦，黎到一定要試！ 再黎一個小食「炸蝦餅」‧‧ 熱辣辣上枱，外面脆卜卜，裡面熱辣辣， 雖然 蝦味有點不夠，但即叫即整我接受。 好味！ 仲有兩杯特色飲品，可惜我忘了拍照，記起已經飲左一大半， 嘿嘿‧‧所以算喇。 此餐廳絕對 可以一試，又唔算貴， 兩人大約 $150 ， 食厭左小巴黎的話，不妨試一下【香河越南餐廳】 它比小巴黎更會令你【越】食愈滋味呢！
