星期日的11點來到了汀九橋下的汀蘭居內的一間餐廳食brunch buffet 呢道可以遠眺汀九橋 過一個悠閒的假日 - Anchor's Seafood and Beer House 星期一至日的自助餐只要打電話黎訂位都會有7或75折 今期星期日的brunch buffet 7折後每人都係三百蚊左右 食足4小時 ( 11am-3pm ) 我同友人一行4人約11點就到 可以時間尚早的關係 餐廳未算好full 知道自己張枱的位置後就出去拎野食 冷盤食物除左有沙律、刺身、壽司之外，仲有仲有仲有就係生蠔、長腳蟹、凍蝦都有供應 生蠔我就覺得瘦左少少 長腳蟹好新鮮，彈牙 不得不提，如果你係鐘意食沙律的話一定會喜愛呢道的沙律位 個沙律位除左放左沙律菜外、仲放左d配料同一大舊芝士 等你可以自己揀選材料後係道撈撈 熱盤方便類似就唔太多，都係點心炒飯炒麵 仲有個位係即整湯粉，推介要牛骨湯底 呢道的龍蝦湯都值得一試 仲有咖啡、茶任飲 去到戶外就有個BBQ爐，廚師會不停係道燒d野食出黎 有牛扒、羊架、什椒、德國腸、同必食燒菠蘿 食到2點左右就開始食甜品 呢道會提供Dreyer's雪糕 仲有一台pancake機器 你只要按一下等一分鐘左右就會有一塊pancake碌出黎 其他甜品都係蛋糕唔太特別 點擊圖片放大 +5 食飽飽我地就選擇慢慢散步行去荃灣西鐵站 *上述觀點純熟個人意見及口味
