傳說中越南得獎牛肉粉 - 錦麗 最近係apm開左 佩吉每星期都會去觀塘做運動 所以琴晚決定去一試 之後經過成日都見好多人係門口排隊 我大約夜晚7點去到 遠處已望見人龍 呢道係唔洗拎號碼牌的 跟住前面個個人排就得嫁啦 職員一有位就會行出黎叫有無幾多幾多位咁 咁岩我一行到去排隊,職員就行出黎問"有無一位 有無人係一位" 成條龍得我一個係一個人去食 Yeah,唔洗排隊就入得 一坐低職員就會俾個menu你同一杯配菜 Menu唔多選擇,我揀左一碗綜合粉(生牛肉、熟牛肉、牛丸) + 一杯越南滴漏咖啡 碗粉黎到我先試左一啖湯,有d油有d咸 之後就加埋青檸、九層塔、芽菜仔、同一片辣椒 個片辣椒係唔辣既,所以我自己另外再加左幾粒辣椒 食落 講真 我覺得真係同普通粉無咩分別 d牛肉幾淋幾好味 但d牛丸勁油同有重膻味 成碗粉都好油 我食完個口勁乾,要係咁飲水 我就唔推薦大家要特登排隊去食 如果真係想試既就學我咁一個人去 或等遲下熱潮過左唔洗排隊先 點擊圖片放大 +3 *上述觀點純熟個人意見及口味