佩吉係2月即新年期間獨遊左台北一轉 相信有唔少人同佩吉一樣都去過台北好多次 所以今次我獨遊係非常之hea 慢慢遊走下台北既小巷 去下cafe食下野享受下放假的時光 雖然今次我係去左4日3夜 但我唔係去左好多地方 因為我今次好多時由一個點去下一個點時我都係行路去 係就浪費時間d，但可以邊行邊感受下當地風土人情 ______________________________________________________________ 呢兩日我去既地方好少 都係行下買下手信 所以group埋黎寫 主要介紹下我Day 3的晚餐同Day 4的早餐 XD Day 3的晚餐我係西門町搵左間日本居酒屋 自己去飲返杯生啤食下串燒 其實台灣的日本野絕對不比香港差 -聚樂町日式居酒屋 呢間居酒屋唔係係西門町商圈鬧市 係西門町的外圈 大家可能要開map搵搵路 行到門口遠處已經見到有d日式燈籠 咁你就行對了 店鋪內細細，約5張枱左右 當時我去到都要等一等位 店員姐姐就俾左張menu我叫我睇下食咩先 邊睇邊等，店員姐姐好好人好好禮貌 希望大家去到都對人有禮貌d 唔好破壞當然人既熱情 食物種類都唔太多 但我揀到有位時都未揀到食咩好 (其實都係等左5-10分鐘左右 XD ) 坐底後牆上仲有塊黑板寫左是日special 本身想食生蠔，點知已經售罄 經過一番爭扎我叫左以下食物 -生啤一杯 -綜合刺身拼盆，好新鮮 -花枝握壽司 -角切牛肉串，有肉汁，彈牙 -鹽烤雞軟骨串，原來唔係平時食個d雞軟，佢真係Y形淨軟骨，我都係第一次食到呢種，都幾好味，唔會好硬 -鹽烤松阪豬串，都係好有肉汁 -清酒蒸蛤蠣，清甜無沙 -山葵章魚 點擊圖片放大 +8 無錯，以上既都係我一個人食哂 飲飽食醉後我就行返酒店休息了________________________________________________________________ Day 4 - 早餐 今日因為係最後一日係台北 所以我無食酒店早餐 行左出去食 -永和豆漿 ( 西門町 ) 呢間係佩吉每次黎台北都會食既 我自己今次叫左一籠小籠包+一杯黑豆漿 每次黎都係好多人 呢道有蛋餅、台式油炸鬼個d 早餐黎食就最埋嫁啦 點擊圖片放大 下午的飛機離開台北 因為食完早餐就回酒店執埋野check out去機場 最後係機場食左碗牛肉麵黎結束我呢個獨遊
