佩吉係2月即新年期間獨遊左台北一轉 相信有唔少人同佩吉一樣都去過台北好多次 所以今次我獨遊係非常之hea 慢慢遊走下台北既小巷 去下cafe食下野享受下放假的時光 雖然今次我係去左4日3夜 但我唔係去左好多地方 因為我今次好多時由一個點去下一個點時我都係行路去 係就浪費時間d，但可以邊行邊感受下當地風土人情 ______________________________________________________________ 佩吉呢日10左右就出門口 之後就搭捷運去"松山文創園區" 其實我去之前無睇過園區而家做緊咩展覽 抱住去到先算的心態 慢活就是這樣，隋心而行 去到見到有咩展覽咪睇下行下 所以我都無規定自己去到要行幾耐嫁 -松山文創園區 交通 : 搭捷運到國父紀念館站，5號出口，沿住指示牌行就到 原身是菸廠，而家保存落黎做左文創園區 ( 有關歷史可參考官網 : http://www.songshanculturalpark.org/About.aspx?ID=5a4539f0-da1d-442d-a933-d3f54784e093 ) 園區會不時搞下展覽 入面有個小賣部，賣d手作仔 呢日去到有"熊本熊展"同"stayreal life #在場証明特展" 因stayreal life展11點先開，所以我就行左熊本熊展先 入面有好多影相點俾大家 行完仲會有買紀念品的地方 最尾職員會問你即日內仲會唔會再入去睇，如果會的話佢會幫你蓋個印仔 點擊圖片放大 +2 行完熊本熊展就行去"stayreal life #在場証明特展"區 點知行到返到已見到出面有人排隊等個展開 個時都未到11點 我都拿拿聲衝去買飛之後去排隊等入場 可能因為係明星效應所以特別多人 咩係"stayreal life #在場証明特展"？ 跨界創作特展，有大家熟識的五月天阿信、FTIsland李洪基、Duncan等 (綱址 : http://stayreal.kktix.cc/events/stayreallife1223 ) 展區有人流管制 因此佩吉都要排到11:30先有得入 排隊期間仲落毛毛雨又凍 不過入到去睇之後就知等都值得既 點擊圖片放大 +5 睇完展覽佩吉就去小賣部行下睇下d手作仔 行到咁上下見餓了 於是起行去之前上網搵到的一間cafe -牛口水 咖啡·輕食 交通 : 搭捷運到六張犁捷運站，往基隆路方向走路大約10分鐘，小巷口轉個彎，一二樓矮舊公寓全白 ( Facebook : https://www.facebook.com/drool21/ ) Cafe裝修以白色為主 環境清靜，適合傾計，睇下書 佩吉叫左個"薄荷甜酸蝦可頌"台幣185加台幣130升級套餐(有地瓜薯條、沙拉、優格、野飲) 點擊圖片放大 +3 個薄荷蝦好好味，同個牛角包好夾 個雪糕筒入面其實係薯蓉來的 地瓜薯條好香口好甜 佩吉係呢道食下影下相享受個悠閒的下午 到黃昏時間就離開去下一個打卡點 -Commume A7 交通 : 搭捷運到市政府站，2號出口，步行約3分鐘 即係信義區新光三越隔離 係台北一個新美食點，貨櫃市集 ( Facebook : https://www.facebook.com/communea7/?fref=ts ) 去到又見到長長的人龍 因為場內又係有人流管制 不過佩吉都只係大約排左15分鐘左右就入到去 仲會望到101大樓 入面有各個特色的貨櫃 全部都係餐廳，各國菜式 我一邊影相一邊揀想食既野 點擊圖片放大 +3 其實呢道大多西餐為主 但西餐係香港都成日食 所以我揀左平時無咩點食既"關東煮" XD 享享煮東煮Shiang Shiang Oden 裝修都日本feel，一排的吧枱 可以直接望入去睇下有咩直接叫 每款台幣40，仲四送一 我叫左"蘿蔔、油豆腐、娃娃菜、龍蝦丸、杏鮑菇" 食飽飽都入黑，又行下 呢道中間有個草地仔 咁岩有人係道演唱 企係道聽下，幾爽 去完呢道就過隔離新光三越行下街 有GU、ABC Mart、forever 21等等 行完街都攰就返酒店休息了！
