佩吉係2月即新年期間獨遊左台北一轉 相信有唔少人同佩吉一樣都去過台北好多次 所以今次我獨遊係非常之hea 慢慢遊走下台北既小巷 去下cafe食下野享受下放假的時光 雖然今次我係去左4日3夜 但我唔係去左好多地方 因為我今次好多時由一個點去下一個點時我都係行路去 係就浪費時間d，但可以邊行邊感受下當地風土人情 ________________________________________________________________ 佩吉到達台北已經1點 去西門町桔子酒店check-in放低行李後就出去 我先去左龍山寺 係西門町搭捷運一個站就到龍山寺站 出站後跟住指示牌行就到 -艋舺龍山寺 由於新年關係，好多當地人同遊客都去參拜 龍山寺參拜係有次序的 ( 前殿->大殿->後殿 ) 去到真係唔知參拜先後次序都唔怕，個道會有d工作人員，大家可以問下佢地 個日我入到去真係人山人海 聽說呢道的月老好靈，本身佩吉都想求下 但因為我行到去月老前面已經圍住好多信男信女 所以我就放棄左，大家下試黎到不防求下月老愛情順利 離開龍山寺後我去左附近的艋舺夜市覓食 雖然話係夜市但我個日去d舖頭已經開哂 我邊行邊揀，最後揀左食排骨酥麵 - 廟東排骨酥麵 我叫左招牌排骨麵 麵條較林身，同平時我地係香港食既唔同 個湯底濃味唔錯 食完我就慢慢行返西門町 其實慢行都唔係太遠 又可以周圍望下當地生活環境 沿途會經過"家樂褔" 大家可以去買下拌麵、杯麵、生果 返到西門町我仲去左買雞排返酒店食 -艋舺雞排 係台灣藝人NoNo開既，店鋪都用佢個Q版樣做生招牌 有好多間分店，分店網址 : http://www.mongag.com/store.php 我今次買左"艋舺辣妹雞排" 咬落好有肉汁，少少辣，又香口 返到酒店就休息下，今次我住 - 褔泰桔子商旅 - 西門店 間房張床訓兩三個人都問題 我一個人更加可以碌黎碌去 間房唯一唔好處就係隔音差 會聽到隔離房開關水 或者佢地出門都聽到 酒店地庫會有個餐廳仔 朝早就係個道食早餐 平時會有24小時供應下d咖啡茶，生果咁 全部免費既 休息到夜晚佩吉就係西門町行下食下野就返酒店訓教！
