現時有不少人都開始選擇自己一個去旅行，當然我都係一分子 自從試左一次之後就返唔到轉頭 雖然目前我自己獨遊的次數都未算多 但都可以係道同大家分享少少心得 一個人去旅行首要條件就係 - 勇氣 你無勇氣踏出呢一步就咩都唔駛講 我記得我第一次有勇氣做下呢個決定既時候我就即刻上網買機票 點解？！因為俾左錢買機票你就無得退 迫住要去 其次就係要評估下自己的能力 如果以往都有同朋友去開旅行 去旅行時又有做plan行程的工作的話 咁獨遊對你黎講完全無難度 之後最重要的就係你要經得起寂寞 自己一個踏上旅途個一刻開始你就得你自己一個 無人同你分享 如果你克服到自己同自己享受的話 完全可以做一個自由人出發 作為一個女仔我都敢講雖然好鐘意自己一個去旅行 但我都仲未敢去一個較危險的國家 所以如果你係第一次選擇自己出遊 我會建議揀一d較適合獨遊的國家 例如 : 台灣、日本、韓國、泰國 呢d國家都好適合女仔自己一個去 起碼語言上溝通唔係問題 又有中文英文睇得明 獨遊最重要係出發前做好準備 上網搵多d資料 確保你要去既地方的交通工具、位置 做足好各樣準備後就可以帶上你既行李出發 希望未有勇氣獨遊的朋友睇完我呢個分享後有信心地出走！
