15/4/15@Ash 本來都無時間打關於做野的文 最近有點私事:P 但今日有件小事 令我即時有些反思: 「事緣playgroup裡有個大約4歲小朋友想反轉成個人玩滑梯 我就走上前掉返轉要作坐低 佢即刻好唔開心 我就同佢講如果咁玩可能會整親受傷 擔心佢受傷 咁佢同媽咪都會唔開心 然後同另一個媽媽朋友Helen鼓勵佢重新玩 佢唔肯 媽媽過黎就抱起佢掉轉由佢滑 結果佢慢慢落無事 媽咪就話佢堅持就由佢 我就講唔好意思只係安全行先 媽咪同我之後都無乜野」 之後 我就諗 從老師或常人角度 安全係首要當然係 但當時我係咪一定要上前掉返轉佢個身呢？我成日話王老師好著重小朋友感受 但當時我又忽略左佢感受 就係好想返轉玩 如果我掉返轉佢呢件事無錯而可以重新黎過的話 1）我可唔可以同佢講完道理後做多一步 就係陪佢返轉玩一次 2）甚至乎 當時唔需要即時介入 而係望住佢玩完再同佢講咁樣有少少危險 下次想咁玩不如問問媽咪？哎。實習四年 全日老師三年 我還是有不足唔係優秀 假如我再次做王老師...... 我最近真的很想念王老師的課室小故事.... Anyway 係playgroup 其實所有人無特登搵我講野都會以為我就係Sophie mum 佢個樣同我一樣cute嘛 跟住又痂我 又其實佢都似mix的 所以其他媽媽 職員 路人都當哂我係媽媽 就算佢地明白我Baby face終極童顏 成班人以為我得廿歲 有個話似18 係香港 邊咁帶個小朋友出街丫18歲 但呢度 我識個媽媽一樣26 佢已經有兩個 大的係8歲 正係18歲生一個 所以明明佢地會有點不屑我個樣 但都會自動接受我應該就係Sophie's mum. 同佢買野借書行過之類d人都會講: 你幫媽媽拎野啦/女女頭髮好靚啊/女女好可愛喎/etc... 其實如果我個女咁cute我唔介意睇住佢成長啊:) 媽媽們通常問以下問題 問到咁上下我先會忍唔住講: In fact I'm not her mum, I'm a nanny": 1) 佢幾歲啊？ 2）你仲有無第二個啊？佢仲有無兄弟姊妹？ 3）佢爸爸係咩人？(因為呢度non british人口都好多) 4）佢爸爸頭髮係咪都好攣架 因為你頭髮咁直(相對佢地打仗的曲髮) 5）你有無返工定仲放產假啊 (如果個女係我 成兩歲我點樣咁放產假?!!!) 其實我身型同班偏瘦的媽媽都似的 同樣腰至大腿少少粗 其餘個身都瘦 但我無身材 點睇都唔似餵人奶的身材啦.... :( 至於媽媽朋友 其實起初兩三個星期要同班媽媽social 我都有一刻覺得好煩 話題其實都無乜 帶完Sophie 上完音樂啊唱遊就會想走 不過感恩在 有幾個都幾好相處 做到朋友: 1) Helen 英國人而老公係西班牙人 我地第一日識就一見如故 之後佢唔舒服 幾個月無見 最近見返同佢分享感情事 真係好窩心的分享 可能都係基督徒 佢就係前輩咁 應該都4字頭 但細仔超靚呢:) 2）Sue 馬來西亞加紐西蘭混血兒 所以佢講英文都仍然有紐西蘭英文口音 好得意 老公就係馬來西亞加? 都係tan皮膚 所以兩個小朋友都mix得皮膚黑黑 女女Lenna超cute 同Sophie 算係玩伴 兩個識對對方打招呼 好搞笑 而Sue又係超nice 有佢一齊去playgroup 上堂最安心 又可以傾下閒計 佢話我似18歲XDD 難怪其他人見到我會好好奇咁快生個XD 3) Naomi 佢講自己名我至知英國人係咁讀個名 兩個女唔算靚但好outgoing 搞搞笑 而naomi主動邀請我去星期三朝佢地同教會搞的playgroup 好好 那個好relax 小朋友同大人都有野食 XDD 又係好易話為的媽媽 4）Mary(突然醒唔起個名) 18歲生大 細那個兩歲半叫Tia 由於tia成日走黎走去而媽媽皮膚太白好fashionable 樣令我好奇 有次tia爭點撞到Sophie 而同tia媽開始講野 原來佢都幾易相處勁多野講 佢主動講自己野講紋身請耳環之類 當佢知道我黎得半年就問我係邊度生個女 我講其實我係nanny 佢個驚訝樣勁少女 之後大家講都係26歲 我忽然覺得自己人生起跑線選擇繼續玩樂遊歷都係一件好正確的事 因為我想像唔到前八年已經將大半生活放在小朋友身上。有tia媽就唔怕無計傾 同邊個佢都吹到水 佢試過笑我playgroup開facebook睇XDD 5) Helen 靚靚英國媽媽 想提佢的重點係我地taste好似 試過有日同樣著jack wills紅白間條中袖jumper 好彩間條紋有少少唔同 但足以我地笑左一朝 同其他媽媽講好似制服 之後一次見到佢用橙紅色Kate spade手袋 我就同佢笑住講 我有一個同色系的銀包下次一定要帶佢睇 佢話以後我地睇下會唔會再撞衫XD 到今日我真係帶左去俾helen睇 佢笑話我地喜好觸覺一模一樣 哈 立刻覺得自己劑身少婦系列 sosad XD 最開心係有次陪Sophie整復活蛋畫 我用紙摺花再貼落去 設計同其他人好唔同 有媽媽係旁邊勁讚 真係教自己仔女跟住我整 佢地連我玩泥膠識整玫瑰花都好神奇。 我立刻變返同媽媽唔同level 因為我係有創意的幼兒老師!!!!!!! 如果帶Sophie 做圖工唔特別一點 我對唔住我自己!!!!!!!!
