講起汗蒸幕,一定係諗起雞蛋,運動衫褲,訓地下...... 好多人係網上介紹釜山海雲台果邊既Vesta Spa,但由於時間既關係,我只能夠去到Centum City既汗蒸幕,呢間係新世界集團既Spa Land!! 好大又靚!!! 我地呢日特登要6點幾起身zZzZ 因為我地下午要搭ktx去首爾,得半日玩... 再加上!!! 9點前入場平d (7000won), 正常時段要12000won架!! Centum City站12號出口步行就到架喇 !!! 好易去!!!點擊圖片放大 汗蒸幕需知: 黎呢個Spa Land都要無比既勇氣,因為大家都知道要沖完涼先入得去...仲要沖涼果度係無遮無掩,望到隔離既阿珠媽>﹏< 一比完錢就要除鞋放入個locker,條locker鎖匙有個野比你嘟入場,之後買野食呀都係用呢條鎖匙嘟,咁最後走果陣佢就知你有無係入面消費,有既話就要比錢! 拎住套運動衫行到去更衣室,諗住放低d袋先,點知原來就要係更衣室除晒衫 :0 我呆左... 我唯有......極速換好衫扎埋頭髮扮沖左涼咁衝出去汗蒸幕果個area啦哈哈哈 (大家唔好學我,其實咁樣係唔岩既,不過我真係未ready,太突然喇哈哈) 由於時間尚早,基本上無咩人,周圍任你走,好寧靜好正好舒服!!!!! 我地周圍試下d sauna room,一黎就見到個60幾70度 :0 一入到去,辣到我對腳跳跳下...我接受唔到即刻走人haha...但唔知點解有d人坐係度都唔覺得熱=0= 周圍有好多呢d好似梳化既野比你訓,好舒服 :) 乾蒸完d熱辣辣既sauna之後,就去左呢d凍既中和返下先 :) 其實只係好似涼緊冷氣咁haha~但入面真係好靚呀!! 呢個地方仲可以攤係度睇下電視,而d聲音係係你耳邊發出,唔洗戴耳機都聽得好清楚!! 呢度實在太舒服,爭d就訓著左...... 汗蒸幕點可以無雞蛋 :P 2000won得3隻雞蛋其實都幾唔抵食,因為超市賣1000won就有3隻! 而且味道都係一般...本身想學韓國d人用雞蛋敲人地個額頭,但我敲下自己對腳都痛到痴線,所以都係放棄啦hahaha~~賣雞蛋對面有達空地比人訓係度睇電視,原來地下有d熱,本身訓係度都覺得唔係幾舒服,點知訓下訓下就真係訓著左zzZzzZ 訓左半個鐘先起身,雖然地下硬硬地,但有D熱力會令人好訓好多!!! 唔錯!! 我地堅持到10點就出去浸腳喇!!! 因為10點先開放...D水又係熱辣辣既>< 不過後來浸落去唔好郁黎郁去就唔覺得好熱,仲好舒服!!! 呢個環境浸腳一流呀 :D !!! 浸左15分鐘左右我地就走lu,因為時間緊迫 T___T 下次會想去Vesta Spa!! 雖然呢個都好想再黎!! 點擊圖片放大 +2
