成日聽人講海雲台,今次終於去到喇yeah!!!!! 超興奮! 海雲台係紅薯夫婦(容和+徐賢)去過既地方,點都要去朝聖既 :D yeah!!! 遊覽海雲台路線: 冬柏島 (冬柏公園,世峰樓) --> 海雲台沙灘 --> 海雲台周邊 --> 中洞Emart - --> 海雲台站dinner (王豬肉湯飯) --> 西面 一出冬柏島個站,嘩,同南浦洞呀,西面果D完全唔同!! 勁多好靚既住宅同高樓大廈!! 真係大鄉里出城!!睇完地圖都係唔知向邊度行-0-但見到一班中學生,睇個樣似係去海雲台,所以唔理咁多偷偷地跟住行先XD PS: 6月呢個月份黎海雲台都係著返件中長袖好D,我地一出到地鐵站覺得氣溫低左好多,即刻要著返件外套先得!! 仲有勁大風!! 大霧到咩都睇唔到咁滯嗚嗚... 好啦終於黎到冬柏公園喇!!! 前往冬柏公園果陣會望到一間好大間既酒店,沿住斜路行上去就見到呢個入口...見到係公園好開心...點知...又係勁多斜路 T__T 行到身水身汗...雖然好攰,但沿途d環境都令人覺得好舒服~係值得架!!! 好多人係呢度跑步,散步同放狗~係海雲台區成日都會見到d人放狗~有錢人係唔同d既 :'( 有兩條路可以去到世峰樓,一條係沿海小徑,另一條係普通斜路, 我地揀左沿海小徑,因為見到海靚d同埋開心d :) 其實都一樣要行上行落,都好多樓梯級...呢條吊橋行落都幾恐怖><不過我都克服左yeah! 遠處就係海雲台喇!!! We're coming!! 呢個就係APEC世峰樓喇!!! 係2005年為左召開世界首腦會議而起的! 不過我地去到剛剛收左檔,要參觀的就要注意時間啊!! 收5:00架! 總之早D去啦!! Running Man有集都有係呢度拍攝過架!! 所以黎到呢度覺得份外親切哈哈 海雲台真係無得彈!!! 水清沙幼,又乾淨又大,又寧靜!!! 真係好想係呢度stay一日慢慢玩下沙玩下水!!! 下次會再黎呢度!!! 最可惜係大霧>< 因為要收費,所以無入去水族館...同埋行程緊迫haha 海鷗得一兩隻,白鴿有成十幾廿隻=0=我d海鷗呢...... 遲多兩三日黎就有表演睇!! 可惜可惜... 好好笑既係,見到有兩個韓妹,兩個不停嚇走d白鴿...d白鴿數量真係多到唔想數...點擊圖片放大 +2 行到海雲台盡頭先開始見返d海鷗(hi~好耐無見!) 本來我地黎海雲台係想餵海鷗,但一來淆底唔知似唔似香港果d咁唔比餵雀鳥,二來淆底海鷗d便便,因為我地就係係呢個燈柱目擊一隻海鷗放炸彈!!! OMG!! 我好驚餵唔到其中一隻整舊炸彈比我嘆!! 所以迫於無奈都係放棄左...下次搭遊覽船先餵好似安全d哈哈 去左呢間紅薯都幫襯過既便利店,本身想係呢度買蝦條餵海鷗架!!!!! 但最後買左pepero自己食算hahaha 好多Boice(CNBLUE fans的自稱)都應該會知道呢間食豬肉湯飯店! 因為2010年釜山電影節,宗泫同敏赫黎過呢度食飯!!! 而且豬肉湯飯狂迷宗泫推介既, 咁我都要黎見識見識下!!! (下圖來自網上) 我都唔知有無佢地簽名,但我唔理咁多影低左先再返屋企慢慢研究XD點擊圖片放大 +2 豬肉湯飯都幾大碗,食到好飽飽~味道都唔差!!! 都係6000won!!! 不過呢環境就一般,唔算好乾淨! 同埋如果碗飯可以濃味多少少就正喇!! 雖然係咁,但呢度d人好nice!!! like!!! 完左海雲台行程就返番西面lu~ 有人賣兔仔,好似要成20000won... 遇到鍾意既偶像係最開心的!!!
