經過一晚休息之後又要出發喇!! 是日行程: 南浦洞富平豬腳街 --> skywalk五六島 --> 海雲台+海雲台周邊 (迎月路附近) 我地聽聞釜山豬腳好出名,所以就去搵下邊度有得食喇 :9 周街都會見到秀man :) 人氣實在太強勁喇!!! 沿住呢條路直行會見到好多呢d牌,呢條叫阿里朗唔知咩街 :) 經過某間精品店,隻龍貓又吸引左我入去xD 明明係要去食野先,因為我地諗住豬腳餐當brunch, 其實已經餓到痴線><|| 呢間店有d似log-on,賣d野都似~但都比較貴又唔係太特別,所以逗留左陣就走lu~~ 越向前行會越覺得自己唔知去左邊度=0=不過唔好比呢d感覺影響到,繼續行就會見到成行成市既豬腳店! 拋書包時間...韓文豬腳係족발 (促bye) 諗住間間d豬腳都差不多,所以求其入左間,當時間間都係無人,所以無得憑人氣決定食邊間...點知...過左午飯時間呢間野都係無人=_= 早知去對面果間,我地食完出黎對面果間滿座... 講返d豬腳先,我以為係食係香港見到果d豬腳/手,原來佢會幫你片到好薄一塊一塊咁食 :) 我地又以為成餐飯得碟豬腳會食唔飽,點知勁多小食,又魚糕又豆腐又蛋又盛咁~未食豬腳已經飽左7成...因為我地未食過韓國豬腳,唔知咁樣係咪正宗定點,好似無咩味haha~ *PS: 後來我地係弘大某間食豬腳,濃味好多!! 好食好多!!!但唔知係釜山人整法同首爾人既整法會唔會有唔同~~所以都係有待查證,下次去釜山要試下第二間豬腳店先 !!! 其實都好想去札嗄其市場食海鮮架!!! 不過好驚腸胃不適先放棄>< 我地經過呢度係因為要係附近搭巴士去skywalk睇五六島 !!! 去五六島可以係南浦搭巴士去到總站落車!! 好方便又平!! 無記錯車錢係200won咋!! 地鐵閒閒地一程都要1000won以上啦!! 仲要去唔到總站,要再轉巴士!! 極度建議去五六島skywalk既朋友搭巴士!! 不過......唔好好似我地咁傻仔,係釜慶大果邊就落左車xD 以為去唔到總站...之後搞完一輪都係上返架巴士直接去,搭錯巴士都無咩所謂啦其實,都係200won姐~ 下圖就係我地係釜慶大果度落錯車果陣影既~~ 搭到去總站,一落車就見到五六島!! 不過都好大霧,睇得唔清楚 :( 上網見人地影到藍天白雲好靚架 >0<!! 入去行呢個Skywalk前要著住個黑色鞋套先比入,入場全免~好多大媽大叔都黎呢度行下當行山咁~其實skywalk隔離就係二妓臺公園,如果由二妓臺果邊行過黎真係要行山咁行三四個鐘過黎!! 我地之後仲要去海雲台所以就唔打算行山喇哈哈... d人好似完全唔驚咁=0=雖然我都知道好安全,但見到下面係海都真係有點淆底...最後好快速咁行完一個圈同埋好快速咁影左幾張相就算haha...點擊圖片放大 +4
