由博多 -> 由布院大約2個鐘車程,嗚嗚,好可惜我地reserve唔到由布院之森號T__T 呢架特別版由布院之森一定要預約先有得搭!!就算我地2日前預約都無晒><真係超級可惜... (圖片來自網上) 搭左大約1個鐘就會進入左山谷溪澗的郊外地方~雖然好鄉村,但我忍唔住拎住部相機係咁影影影...因為真係好壯觀~D樹木一排一排好整齊咁,真係好似睇人畫D山水畫咁靚!!(絕對無誇張!) 沿途風景真係靚到dom一聲!一路係咁嘩嘩嘩~連訓緊教既我即刻醒左~ 個車站其實好細,但好有特色~好靚~~覺得自己黎左渡假咁 :D 呢個地方好出名係溫泉旅館,好多情侶/家庭都會黎住一晚,之前上網睇過一泊兩食大約$1200HKD一個人...但由於我地基地係博多,所以無特登再book一晚係由布院>< 點擊圖片放大 +3 連d商店都好有特色~ 仲有麵包超人 <3 就係呢d溪澗令我諗起細個既時候成日入粉嶺d鄉村玩...以前細個星期六日放假就係專心盡情玩,完全無理其他野!但依家一到星期六日就會諗: 到左星期一又要捱5日先有假期...只想爭取果兩日休息...呢種田園悠閒生活其實我都幾鍾意~好寫意~好寧靜~好輕鬆~無壓力~令人心平氣和,真係治療心靈既好地方! 登登登登...是日焦點之一出現喇!! 就係呢間遠近馳名既B-speak蛋捲! 個個黎呢度都係必食呢間野!! 呢間d蛋捲真心好食!d cream好香牛奶味,好滑,蛋捲好鬆軟! 唔怪得呢間野日日賣斷市=0= 建議中午前最好去到,因為我12點幾去到都唔係得返好多,旺季既話應該中午就賣晒~呢間野唔難搵,其實只要沿住入金鱗湖條路就會搵到...呢間野唯一唔好就係無得堂食,要拎住走...咁熱既天氣拎住食都幾辛苦,所以我地走果陣係火車食算 :P 沿途都見到好多特色精品, 呢間專賣哈囉吉蒂...如果唔知買咩好可以買個福袋好抵玩haha...好似1200yen(?)左右就有一袋野,有筆有散紙包有防塵塞...total都有8-10樣野!勁平!!用黎送比人都好丫!! 呢間賣可樂餅既好似拎過獎,好出名的!! 食落都唔錯呀 :D 係由布院見到好多卡通人物,又麵包超人,又哈毛支支,又snoopy,仲有龍貓! 行都街得特別開心! 呢間snoopy茶屋d綠茶雪糕都幾正 :9 特別係呢個熱屎辣辣既天氣,一定要食返杯雪糕叉叉電 就咁睇呢個入口係咪完全唔覺得自己係日本呢...入面真係好歐陸式風情~入面都係一D小店...仲有真既鴨仔游緊水...點擊圖片放大 每次黎日本指定動作 --- 買招財貓! 唔係因為日本d招財貓真係招到財哈哈,而係日本d招財貓款式又多又cute!!! 每次都要最少買一隻返屋企擺haha... 另一重點就係 --- 金鱗湖 呢個湖我覺得似曾相識,唔知係邊度睇相睇過...真係好靚呀!! 有翠綠的山作背景,也有湖水的倒映!! 如果秋天黎仲正! 成座山變晒紅葉既話真係好震撼!! 點擊圖片放大 本身諗住浸唔到溫泉浸下足浴都好丫,好彩無浸,因為我地記錯左火車時間,如果浸左既話就要等個幾兩個鐘先有火車返去,仲要返到去已經好夜><|| 不過浸唔到足浴好可惜 :( 點擊圖片放大 +2 由布院我比100個like out of 100個like!! 真係無得彈!! 鍾意郊外旅遊的朋友一定要去呀!!
