我地係小倉返到黎博多之後,就即刻去買day pass先再去Marinoa City Outlet...點解要咁做呢,因為去outlet條路線係: 博多站 -> 姪濱站 -> 轉昭和巴士 -> Outlet 咁我地計過條數,買day pass好似820yen左右, 如果唔買pass就咁買飛都900yen, 雖然可能話"車~1個人慳得果幾十yen~洗咩買pass" 雖然係慳得果幾十yen,但以防我地上錯車落錯車,萬一搭錯左都唔洗再比錢買車飛! 所以對於初次黎九州既人我覺得買day pass都無壞丫~又慳到錢又有保障哈哈 不過講真呢個outlet令我地有點失望...因為d衫有d都幾老套=.= 得好少數真係抵個樣又okay..如果純粹當黎行下街我覺得環境都唔錯幾靚既 :) 咁岩行到肚餓見到有crepe買,咁好彩今日全部crepe都係290yen! 真心超級抵食而又超級好食!! 記得之前係香港團購1間食crepe,唔好食又唔係平又整得慢之餘,香港個整法真係同日本爭好多皮!!日本人整得好勁!香港果間其實摺得!! 日本唔會將塊皮放係個crepe架上面圍住整,而係鋪係台面放晒d材料落去一次過包住! 呢d真係功力問題=0= 點擊圖片放大 +3 本來以為要搭返車去姪濱再轉返巴士出去, 點知見到架係去天神既昭和巴士, 張day pass發揮作用了!! 就係全日可以任搭地鐵+昭和巴士!! 直接去天神就唔洗左轉右轉,舒舒服服坐到天神落車 :D 九州d pass好多都係刮刮卡好得意!! 我鍾意呀~ 去九州點可以淨係食得一餐拉麵,點都要試埋一風堂既!! 仲有九州最出名既明太子!! 後話: 天神地下街其實好早收檔,8點就收晒,所以想行天神就要早! 不過親身去過之後,覺得天神地下街無咩野行,反而連接天神地下街果d商場唔錯 :) 好多靚衫同精品買,不過真心貴...睇下好喇哈哈
