係門司港只可以走馬看花,因為仲有小倉要去,兩個地方其實好近,搭返火車去好似大約10mins 我地一落火車出車站,就聞到勁香既野食味!!明明食左野又即刻肚餓~~有間賣たこ焼き(八爪魚丸)既仲自稱係自慢之作(即驕傲之作),我未試過係日本食到難食既八爪魚丸架>口<!!!好失望!!好失望!!好失望啊!!! 不過...有間賣和牛串燒既真係真心超好食!! 入口即溶既感覺~所以我都忍唔住影左個師傅幾張相哈哈哈XD 點擊圖片放大 +3 未出發前想像中既小倉係好舊既城市,點知原來咁modern!! 仲要勁大個站!仲要有小食檔!正!同埋係張相都睇到有單軌電車, 但其實我覺得電車都唔洗坐XD 基本上行路已經可以去到晒我呢堆地方 (旦過市場,小倉城, River Walk) 同埋行路既話沿路都有好多野睇,見識得多d野! 小倉第一站係旦過市場,本身無計劃去呢度,但上網見有人介紹過就去睇睇啦 :) 初初旦過市場比我既感覺係同大阪黑門市場差不多,但行落又發現好唔同!! 呢個真係一個小區既街市黎~_~黑門市場都有d熟食,有d賣生果既雜貨店...呢度咩都無=0=係某間生果店買左個靜岡蜜瓜同士多啤梨!! 全個旅程最失望係黎到盛產士多啤梨既地方竟然食唔到"甜王"士多啤梨T__T 喊出黎!! 得返d超細粒士多啤梨,5月尾已經係季尾無得食 :( 為左D士多啤梨,下次我一定會係春天黎!! btw個蜜瓜其實幾好味又唔貴!! 好似大約1200yen一個,係香港都賣緊百幾蚊個架!! 點擊圖片放大 之後就繼續行去小倉城! 其實唔睇地圖都識去,因為地下會有好多指示話你知小倉城係咩方向,再加上你自己都望到遠處有個小倉城...唔睇指示向住果個方向行實去到!!! 個人認為係小倉唔驚盪失路,因為周街都有好多指示牌!! 由於我地之前去左熊本城,再加上果度真係超級無敵曬,所以無特登上去小倉城睇!!因為我地已經比小倉城隔離個river walk商場d冷氣吸引左!! 呢個商場入面D格局似博多個Canal City...其實呢個商場似outlet唔知點解我覺得,例如LizLisa d衫褲袋都係2000-3000yen @0@|| 咩話?! 唔係講緊笑,真係平到咁!! 平時香港減價都要$400HKD啦!雖然d款唔係最新最靚,但都總會揀到自己鍾意既!! 仲有間令到我地欲罷不能既100yen店!呢間唔係daiso,但d野吸引過daiso好多好多!!大家都知Daiso係最出名既100yen shop,香港,台灣,韓國都有...點擊圖片放大 大判燒都好好味!! 係旦過市場買的...100yen!!點擊圖片放大 有時間可以行下呢間!! 竟然有one piece file! 對我黎講我真係興奮到想尖叫!! 仲有勁多kumamon product!!都係100yen+稅!!個人覺得真係抵到爛左!!仲有零食果d呀都好平!有d係2件先100yen!點可以唔係呢度放低d銀兩呢!! 雖然係速遊小倉,但係呢個地方真係唔錯! 同樣地都係人唔算太多,行街會街得好舒服~居然咁大個RIVER WALK商場會無咩人行...平時香港個個商場都一定full到痴線full到唔想行...而且又買到自己鍾意既野!! 唔錯唔錯!! MOJI もじ 即係門司港!!點擊圖片放大 今日既行程仲未完哈哈哈...我已經比人話左好多次我plan d行程好chur...但自己好難得先黎到呢度一次,好想用有限既時間睇到最多既野!! 當然我都會問下我屋企人有咩地方想去啦! 由於佢地想去outlet,咁我就揀左一個最近既outlet -- Marinoa City Fukuoka!! 其實仲有個outlet係鳥栖果邊,但係鳥栖果個係premium outlet,主要賣d超級名牌野...所以我地先揀呢個!
