唔知點解我次次去旅行,都會好自然地plan左去動物園haha~入場都好平!! 無記錯60NT一個人(?) 但唔明點解熊貓館要另外收飛,而且只可以入一次,仲要唔可以行回頭路, 即係想行返轉頭睇返某隻熊貓都唔比...點解要咁=口=|| 都係海馬公園既熊貓館好d,台北呢個熊貓館塊玻璃太反光,根本都睇唔清楚隻熊貓= ="同埋唔明白點解紀念品店有好多水晶手鏈之類唔關事既產品=0= 唉~不過呢日真係笑唔出囉...明明去動物園應該好開心...點知又落大雨,係咁多日最大雨既一日!!我對鞋呀T__T 對腳濕到不是我的..好唔舒服, 我有預感對腳實好臭, 因為去完動物園唔係即刻返酒店, 仲要玩全日先返去, 但我唔會為左證實係唔係臭而走去聞 :P (最後搞到我夜晚用風筒吹對鞋, 吹到風筒都壞埋哈哈, 心諗唔係臭到咁呀嘛) 原來我見過犀牛哈哈依家睇相先記得xD 肯定係因為當時落太大雨我咩都睇唔清楚~~ 以為企鵝館會好似海馬公園咁凍,原來係無冷氣的...好彩好彩果日無冷氣,唔係我地濕住身走去涼冷氣真係不得了!!! 影唔到那些年的路軌相, 我地係動物園呢度影XD 都算影得幾似啦haha~ 唔睇佢d說明我真係唔知呢隻係草泥馬*0* 點解會咁瘦既... 最開心都係見到樹熊bb <3 我想睇既長頸鹿居然lei埋唔出黎見我地 T__T 残念 = =|| P.S 話說呢日真係好SAD!! 1. 5日之中落得最大雨,著雨褸都濕,對鞋更加唔洗講... 2. 朝早地震 *0* 我第一次感受地震, 初初都唔知發生咩事! 仲係呢年入面最強地震咩料子 3. 捷運發生斬人事件,好彩我地仲係動物園hea遊緊...返番台北市中心既時候真係sad到一個點,係完全無心情行街,提高警覺係咁留意側邊d人,好彩我精神緊張既情況訓醒教就無左...無諗過台灣呢個地方會有人斬人!!! 好可怕T_T 希望唔好再發生呢d事!!! god bless!!
