✿╮❤╭✿✿雜感女生 好味日記✿˚*•✰。Owens． $408套餐樣樣有驚喜！。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤ ❤ 前排同家姐夾時間食飯，兩個人都想搵間坐得舒服、唔使等位等到燥嘅地方。太子呢間 Owens 幾多好評，又近地鐵，放工直接約過去，一落車行幾步就到，真係方便到一個點。 七點幾去到已經差唔多坐滿，好彩仲有最後一張二人枱。間舖裝修簡潔舒服，燈光暗暗哋有少少情調，最緊要係冷氣夠涼（港女最怕熱）。 店員姐姐哥哥都好好人，見我哋拎住袋，主動俾多個籃放嘢，仲好細心介紹個二人套餐，話 $408 包好多嘢，仲話「一定飽」 套餐包括餐湯或沙律，我同家姐一人一樣。我揀咗煙肉薯仔湯——飲落好濃稠，薯仔打成蓉之後好滑，煙肉碎帶出鹹香，唔會太膩，係真材實料嗰種。 飲品我哋都係要 新鮮蘋果汁，唔係濃縮還原嗰種，飲得出有蘋果天然嘅甜酸 家姐揀咗煙三文魚沙律，三文魚都幾大片，菜新鮮爽脆，開胃啱啱好。 小食方面，又跟餐又追加我哋揀咗 忌廉煮蜆 同 香脆吉列虎蝦。忌廉蜆個汁係亮點，滑溜得嚟有蒜香，蜆肉無沙、脹卜卜，個汁超級好食，用個包蘸汁食一定好正(可惜冇跟包)吉列虎蝦炸得乾身不油，外脆內彈，點沙律醬一啖咬落去「咔嚓」聲，家姐都話好味。 點擊圖片放大 +6 主食方面，龍蝦汁蝦闊麵 嘅龍蝦汁好濃，掛晒喺每條闊麵上面，大蝦去腸乾淨燒的好香，好爽口彈牙。 點擊圖片放大 +8 另一份 牛肉眼扒（五成）真心對得起價錢——煎得靚仔，有焦香，切開粉紅色無血水，肉味濃，邊位少少脂肪入口即化，唔係hea做。點擊圖片放大 +8 食到呢度其實已經八成飽，但仲有跟餐甜品：窩夫一球。窩夫外脆內軟，雲呢拿雪糕溶少少連住食，簡單但滿足。但係我哋見到隔離枱食緊個 黑芝麻麻糬提拉米蘇（追加 $48），忍唔住叫多一份。呢個甜品有驚喜——面頭灑滿黑芝麻粉，裡面藏住煙韌麻糬，Tiramisu 嘅 mascarpone 軟滑，咖啡味唔會太搶，整體甜度適中，連平時唔太好甜品嘅家姐都話「早知叫兩份」。點擊圖片放大 +5 以呢個質素嚟講，太子區真係超值。想坐得舒服又唔想捱貴價西餐，呢間值得回頭。小評：味道：★★★★☆環境：★★★★☆服務：★★★★☆衛生：★★★★☆抵食：★★★★☆ ❤ Owens地址：太子砵蘭街412號地舖❀感恩呢❤❤❤❤拍個好碼頭！❤❤❤❤❀☀(◕ܫ◕)✿❤❤❤❤❤❤❤❤❤❤❤合作及活動邀請❤❤❤歡迎聯絡Email:applepeggy168@gmail.comFor Collaboration and Invitation,Please send to : applepeggy168@gmail.com 這是純粹分享個人感受的小小後花園，人人DNA不同，感受因人而異，特此聲明。 免責聲明：本blog所發表的全部內容均屬個人意見及感受，並不代表該店舖或品牌之言論及立場。本blog提供的資料並不可視為詳盡及權威性的說明，亦不可取代專業諮詢。如需協助或希望獲得更多資訊,請直接聯絡該品牌查詢或∕和尋求相關專業意見。如引起任何損失或法律糾紛，本人概不負責。 ♚✿*ﾟ¨ﾟﾟ･✿MsPeggy✿*ﾟ¨ﾟﾟ･✿✿Email:applepeggy168@gmail.comIg/ FB/ blogspot/ Ublog / 點評 /小紅書/ Tripadvisor/ Googlemap ✿Ig: https://www.instagram.com/peggypeggyhk/✿點評ID：applepeggy✿點評連結：http://www.dianping.com/member/995017505Tripadvisor: ID: applepeggy✿https://www.tripadvisor.com.tw/Profile/applepeggy?tab=reviews&fid=07eacc18-20e4-4009-a165-12ab3c0d241fBlog:✿ http://applepeggy.blogspot.hk/✿ http://www.weshare.hk/peggypeggy/✿ https://blog.ulifestyle.com.hk/peggy ✿http://www.beautyexchange.com.hk/blog/applepeggy✿http://blog.qooza.hk/applepeggy✿http://peggypeggy.theztyle.com✿https://www.facebook.com/peggyblog/♚*⊹⊱✿◕‿◕✿⊰⊹*♚✿╮♥╭✿
