✿╮❤╭✿✿雜感女生 好味日記✿˚*•✰。旺角老荔冰室．打卡懷舊味 滿分沙嗲牛肉滑蛋飯！。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤ ❤早2日，約咗個friend去咗旺角呢間「老荔冰室」，一到正門已經忍唔住嘩一聲！成個場大玩懷舊玩味設計，牆上大大幅龍鳳牆，配上嗰啲懷舊戲院凳，真係好似返咗去七、八十年代嘅老香港戲院咁，每個角落都係打卡位，相機食先絕對走唔甩！點擊圖片放大 +5 飲品方面，「阿華田脆脆火山」真係勁厚料，阿華田多到滿瀉咁，飲完成個人都精神晒！「椰汁紅豆冰」都係必試，夠晒足料，飲落有種好懷念嘅味道，真係好好飲！ 點擊圖片放大 講到食嘢，真係要推介幾樣必食item！首先一定要試佢哋嘅「滑蛋沙嗲牛肉飯」，呢個真係冇得輸！雞蛋炒得勁香滑，完全食到廚師嘅功架。重點係沙嗲牛肉，味道濃郁得嚟唔會太鹹，牛肉林滑得嚟仲保持到咬口，真係高質到一個點！ 點擊圖片放大 +2 跟住再試「花膠雞阿媽足料雞湯米線」，個湯底一睇就知係真材實料，慢火熬到面層泛起雞油，飲落鮮甜得嚟完全冇味精感覺。花膠夠大件又厚身，啖啖都係膠質，仲有杞子同爽口素翅，層次感十足！點擊圖片放大 +4 鍾意刺激口味嘅一定要試「麻麻地豬扒撈蒟蒻麵配厚切餐肉」。夠惹味夠刺激，蒟蒻麵爽身得嚟仲要好索汁，配上厚切餐肉，真係飽到上心口！ 點擊圖片放大 +3 「老荔招牌蕃茄湯米通配煙肉」，一上枱真係嚇親，份量勁大，兩個人share都夠食！蕃茄濃湯好出色，飲落酸甜開胃，米通吸滿蕃茄湯之後，口感軟硬適中，仲保留少少咬口。嗰啲煙肉煎到金黃香脆，配埋個湯一齊食，鹹香同酸甜平衡得剛剛好 小食叫咗「炸單骨雞翼」，香脆可口，一件接一件停唔到口。點擊圖片放大 最後仲有驚喜甜品「提拉米蘇漏奶西多士」，呢個fusion配搭真係絕配，中西合璧得嚟又唔會太漏！ 點擊圖片放大 +3 整體嚟講，老荔冰室無論環境、食物、飲品都好有心思，價錢又合理，絕對值得再encore！ 小評：味道：★★★★☆環境：★★★★☆服務：★★★★☆衛生：★★★★☆抵食：★★★★☆ ❤餐廳：老荔冰室Lo Lai Cafe地址：旺角豉油街108號地舖。❀感恩呢❤❤❤❤拍個好碼頭！❤❤❤❤❀☀(◕ܫ◕)✿❤❤❤❤❤❤❤❤❤❤❤合作及活動邀請❤❤❤歡迎聯絡Email:applepeggy168@gmail.comFor Collaboration and Invitation,Please send to : applepeggy168@gmail.com 這是純粹分享個人感受的小小後花園，人人DNA不同，感受因人而異，特此聲明。 免責聲明：本blog所發表的全部內容均屬個人意見及感受，並不代表該店舖或品牌之言論及立場。本blog提供的資料並不可視為詳盡及權威性的說明，亦不可取代專業諮詢。如需協助或希望獲得更多資訊,請直接聯絡該品牌查詢或∕和尋求相關專業意見。如引起任何損失或法律糾紛，本人概不負責。
