✿╮❤╭✿✿雜感女生 好味日記✿˚*•✰。元朗冰室．為塊厚切豬扒而入，卻俾沙嗲牛肉驚艷到。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤ ❤星期六同friend hea鬼左成日，夜晚諗住搵個地方坐下食餐飯。朋友話尖咀間元朗冰室，出名厚切豬扒好食，二話不說拉大隊去試下。 入到去已經聞到陣陣茶記香，裝修都幾光猛，坐得舒服。我地幾個餓鬼忍唔住叫左成枱野食，諗住一次過試晒佢嘅招牌菜。點擊圖片放大 +2 首先出場嘅係厚切香朱扒，真係冇改錯名，塊豬扒厚到嚇親人！煎得金黃香脆，一切開肉汁標晒出黎，食落去外脆內嫩，完全唔會乾爭爭，仲保留住豬扒應有嘅肉味。唔怪得咁多人為左佢專程黎，呢塊扒真係夠晒誠意。 點擊圖片放大 +3 沙嗲牛肉即食麵一上枱，我地仲諗住「都係普通茶記野啦」，點知一食落去成班人嘩一聲！沙嗲汁濃郁得黎唔會太鹹，仲有淡淡花生香，牛肉嫩滑得黎有咬口，完全冇梳打粉味，即食麵吸收晒啲汁，真係好食到震。點擊圖片放大 +2 忍唔住再叫多個沙嗲牛肉包試下，包烘得香脆，夾住滿滿沙嗲牛肉，一啖咬落去，完美！ 奶油豬都值得一讚，豬仔包勁巨形！烘得剛好，外脆內軟，煉奶同牛油比例恰到好處，唔會太漏，做小食一流。點擊圖片放大 炸雞肶薯條上枱時我地已經飽飽地，但見到隻炸髀咁大隻，金黃酥脆，忍唔住又開動。雞髀肉質嫩滑，皮脆肉香，薯條都炸得夠脆，係誠意之作。點擊圖片放大 +5 豉油皇肉絲炒麵炒得夠鑊氣，麵底爽身夠香口，豉油鹹香適中，肉絲同配料都夠多。點擊圖片放大 咸魚粒炒飯粒粒分明，高水準發揮飯粒香口乾身，又夠鑊氣咸魚香得黎唔會太霸道，係好食嘅家常味道。 點擊圖片放大 +5 飲品方面，凍檸茶茶底夠濃，檸檬新鮮；凍奶茶夠滑夠香，係正宗港式味道；即磨咖啡都唔錯，比一般茶記有誠意。 整體黎講，呢間元朗冰室絕對係超出預期。為左塊厚切豬扒入黎，結果連沙嗲牛肉都咁出色，真係驚喜。價錢合理，份量十足，服務又快又有禮貌，絕對會encore！ 小評：味道：★★★★☆環境：★★★★☆服務：★★★★☆衛生：★★★★☆抵食：★★★★☆ ❤餐廳：元朗冰室地址：尖沙咀金馬倫道48號中國保險大廈地下A2號舖❀感恩呢❤❤❤❤拍個好碼頭！❤❤❤❤❀
