✿╮❤╭✿✿雜感女生 好味日記✿˚*•✰。魚一壽司．尋寶！三百蚊Omakase 焦糖鵝肝壽司勁邪惡。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤ ❤新年時節，最啱就係捐窿捐喇搵好嘢食。朋友仔介紹咗銅鑼灣呢間隱世壽司店「魚一壽司」，話佢匿埋喺京都廣場地庫，認真神秘。落樓梯嗰陣仲見到兩邊牆身全部都係Artist簽名，未開餐先感受到嗰種人氣同氣氛，幾有格調。 點擊圖片放大 +3 講到最驚喜嘅一定係佢個價錢！依家周圍食Omakase閒閒地都過千，呢度竟然三百蚊左右就有一Set，真係親民到傻。Omakase SET 好豐富，一坐低店員就送小沙律做前菜開胃再送上熱辣辣嘅三文魚麵豉湯，湯底鮮美，好足料同蟹芡茶碗蒸，蟹肉蒸蛋滑嫩，肉絲同仿翅幾好食。飲完成個暖笠笠，即刻開胃晒。點擊圖片放大 +5 輪到主角出場——十二款壽司陣容勁豐富！對於我哋呢啲有選擇困難症嘅人嚟講，簡直係恩物。講到全晚最驚喜，一定係佢哋自家創嘅魚一焦糖鵝肝壽司。面頭燒到脆卜卜嘅焦糖，包住滑捋捋、入口即溶嘅鵝肝，甜鹹交織，嗰種油潤感喺口腔爆發，邪惡到一個點，但又忍唔住大讚「超推」！ 點擊圖片放大 +3 另外，日本直送大拖羅壽司同樣無得輸，油脂分布靚到發光，真係做到「放入口就化開晒」，滿口魚油甜香。北海道生帶子壽司厚身鮮甜，輕輕點啲醬油已經夠晒味；牡丹蝦壽司大大隻，肉質爽脆彈牙，完全冇腥味，新鮮到爆。點擊圖片放大 +3 北海道海膽三文魚子軍艦同樣令人回味，海膽嘅甜美滑溜，加埋三文魚子喺口度「卜卜」爆開，鮮味層層遞進。仲有六件時令魚生壽司，師傅即場握，每一件都係新鮮貨，絕不欺場。 食到尾聲嘅蔥拖羅蓉小卷，蔥香夾住肥美拖羅蓉，細細件份量啱啱好，成個體驗圓滿結束。點擊圖片放大 +5 除咗壽司，我哋仲試咗個冬日限定嘅壽喜燒一人餐。安格斯牛胸腹肉配甜香湯底，淥一淥沾上蛋液，入口嫩滑，配飯食一流。 點擊圖片放大 +8 香草雪糕：雲呢拿籽香氣天然，奶味濃郁得嚟又唔會太甜 夠refreshing開心果雪糕：堅果香超突出，質地幼滑之餘仲食到少少開心果碎，口感豐富 飲品我揀咗日本靜岡蜜瓜梳打，朋友就嗌信州蘋果梳打，兩款都清爽解膩，冇藥水味，正好平衡返鵝肝壽司嗰份邪惡。 總括嚟講，呢間「魚一壽司」無論係氣氛、服務定係食物質素，都令人好滿意。三百蚊食到咁多款高質壽司，仲要係Omakase級數，銅鑼灣嚟講真係性價比爆燈。一定會返兜再試其他嘢！小評：味道：★★★★☆環境：★★★★☆服務：★★★★☆衛生：★★★★☆抵食：★★★★☆ ❤餐廳：魚一壽司 (京都廣場)地址：銅鑼灣駱克道491-499號京都廣場地庫❀感恩呢❤❤❤❤拍個好碼頭！❤❤❤❤❀☀(◕ܫ◕)✿❤❤❤❤❤❤❤❤❤❤❤合作及活動邀請❤❤❤歡迎聯絡Email:applepeggy168@gmail.comFor Collaboration and Invitation,Please send to : applepeggy168@gmail.com 這是純粹分享個人感受的小小後花園，人人DNA不同，感受因人而異，特此聲明。 免責聲明：本blog所發表的全部內容均屬個人意見及感受，並不代表該店舖或品牌之言論及立場。本blog提供的資料並不可視為詳盡及權威性的說明，亦不可取代專業諮詢。如需協助或希望獲得更多資訊,請直接聯絡該品牌查詢或∕和尋求相關專業意見。如引起任何損失或法律糾紛，本人概不負責。
