✿╮❤╭✿✿雜感女生 好味日記✿˚*•✰。牛品壽喜燒｜任食衣架和牛＋DIY甜品Smoothie，CP值高到犯規。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤ ❤ 平時食火鍋，又想有滿足感又想有儀式感，有時真係好難兩全其美。不過最近食嘅「牛品」壽喜燒晚市任食，就真係做到兩樣兼備，仲要抵食到有啲過分——120分鐘任飲任食，唔止有A5和牛、海鮮拼盤，仲有台式小食、DIY甜品同Smoothie機，食到捧住個肚走都仲覺得「賺咗」！ 先講個亮點：湯底。我揀咗佢哋主打嘅壽喜燒湯底，一上枱店員就好細心幫手開鍋，教你點樣先灼牛肉最好味。湯底甜度剛剛好，愈滾愈香，尤其係煮完蔬菜同肉之後，個湯更加鮮甜，真心係呢餐嘅靈魂！ 點擊圖片放大 +6 「衣架和牛」出場位真係好有戲！宮崎縣A5和牛唔係普通擺碟，而係用迷你衣架掛住送上枱，打卡一流。 點擊圖片放大 +5 油脂分布靚到好似雪花咁，輕輕喺壽喜燒汁裏面灼幾秒，入口即溶，脂香同肉甜一齊爆發，真係「唔使點咬」但又唔會腍到無口感，恰到好處。點擊圖片放大 +3 海鮮拼盤一樣有誠意， 大蝦、沙白、青口同埋肥嘟嘟嘅鮮蠔，樣樣都新鮮，落鍋一灼，鮮甜味即刻出嚟，同濃味嘅壽喜燒湯底出奇地夾。食到中段轉吓口味，感覺成個胃都refresh咗！點擊圖片放大 +8 小食方面簡直係驚喜位，款式多到嚇親：鹽酥雞炸得外脆內嫩，台式香腸甜香惹味，滷水豬耳爽脆彈牙，仲有牛三寶滷得入味鬆化……每樣細細碟，可以試勻唔同款式，唔會一下子飽滯，好貼心。甜品同飲品部分更加係「玩到唔捨得走」！另外仲有DIY奶茶站同新鮮Smoothie機，可以自己揀茶底、奶同糖度，又可以即打水果smoothie，健康又fresh，食完火鍋飲返杯，感覺成個人balance返！ 點擊圖片放大 +5 醬汁區亦係亮眼位，尤其係佢哋嘅「富婆醬」，鹹香帶微辣，味道好有層次。檯面仲貼心提示隱藏食法，例如富婆豆腐花、富婆肉燥飯，我試咗拌麵版本，簡單加一勺已經好惹味，真係想偷師問佢哋買支返屋企！點擊圖片放大 +3 台式甜品吧可以自由配搭芋圓、仙草、紅豆、紫米、桃膠等等，鍾意食咩就夾咩，我砌咗碗仙草、紅豆加桃膠，甜度啱啱好，完美作結。 整體嚟講，牛品嘅性價比真係高得交關，食物款式多、質素對得住價錢，服務亦細心。 🍲 必試清單（期間限定📣）• 富婆鮑魚鍋（聽個名已經想試）• 大甲芋頭排骨鍋（芋頭控必點）• 衣架A5和牛（儀式感滿分）• 富婆醬隱藏三食：豆腐花、肉燥飯、拌麵（飽都要試！）呢餐，真係食得開心又滿足，已經mark實下次再encore！ 小評：味道：★★★★☆環境：★★★★☆服務：★★★★☆衛生：★★★★☆抵食：★★★★☆ ❤ 餐廳：牛品台式火鍋地址：尖沙咀樂道32-34號1樓 ❀感恩呢❤❤❤❤拍個好碼頭！❤❤❤❤❀☀(◕ܫ◕)✿❤❤❤❤❤❤❤❤❤❤❤合作及活動邀請❤❤❤歡迎聯絡Email:applepeggy168@gmail.comFor Collaboration and Invitation,Please send to : applepeggy168@gmail.com 這是純粹分享個人感受的小小後花園，人人DNA不同，感受因人而異，特此聲明。 免責聲明：本blog所發表的全部內容均屬個人意見及感受，並不代表該店舖或品牌之言論及立場。本blog提供的資料並不可視為詳盡及權威性的說明，亦不可取代專業諮詢。如需協助或希望獲得更多資訊,請直接聯絡該品牌查詢或∕和尋求相關專業意見。如引起任何損失或法律糾紛，本人概不負責。
