✿╮❤╭✿✿雜感女生 好味日記✿˚*•✰。殿·大喜屋．任食波士頓龍蝦鱘魚子醬！高級食材多到食唔晒！。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤ ❤講起放題，好多人都諗到「求其食飽」，但今次我去咗旺角嘅「殿·大喜屋」，完全改觀！呢度簡直係放題界嘅天花板，Omakase級食材任點任食，我同朋友食到捧住個肚走，都仲有好多嘢想試，真係「食唔晒，根本食唔晒」！點擊圖片放大 +14 一坐低，已經見到每張枱都放住大大隻波士頓龍蝦，場面超震撼！龍蝦肉爽彈鮮甜，已經值回票價。 但重點係，連矜貴嘅鱘魚子醬都係任食㗎！魚子醬嘅鹹香同海鮮嘅鮮甜交織，口感卜卜脆，層次豐富到不得了。點擊圖片放大 +3 我仲試咗朋友嘅食法：將魚子醬鋪喺鐵板鵝肝多士上一齊食，鵝肝厚身大件，佢嘅油潤甘香，加上魚子醬嘅鮮鹹，真係升咗幾個Level，奢華到唔似放題！ 波士頓龍蝦+鱘魚子醬任食真係每張台都係咁叫，台台都在食波士頓龍蝦簡直係大顛！ 點擊圖片放大 +12 刺身方面，絕對係落足料。金槍魚腩油脂甘香，入口即化；牡丹蝦鮮甜黏口；海膽軍艦用上日本海膽，甘醇濃郁，毫無腥味。其他海鮮菜式同樣出色，避風塘炒蟹鑊氣十足，餐廳用的是新鮮蟹，蟹肉飽滿鮮甜蒜蓉粉絲蒸蟶子王，蟶子大隻又多汁，蒜香滲透晒入粉絲，果然新鮮蟶子王，簡直係絕配；油鹽焗大頭蝦蝦膏爆滿，食到吮手指！ 點擊圖片放大 +2 今次嚟發現佢哋加咗好多新菜式，我特別推介「新加坡大頭蝦喇沙麵」，湯底香濃帶微辣，大頭蝦吸盡湯汁，好惹味；「泰式慢煮鱸魚」酸酸辣辣，魚肉嫩滑無骨；「古法碗仔羊腩」燜得軟腍入味，冬天食暖笠笠。仲有「燒北海道白玉粟米」，超甜多汁，當甜品食都得！點擊圖片放大 +3 雖然主菜已經夠精彩，但千祈唔好忽略自助區！冷盤、熱葷、中式點心款式多到眼花，我拎咗幾件蝦餃，水準拍得住點心專門店。飲品區更係驚喜，除咗汽水啤酒，仲有梅酒、清酒、紅酒任飲，啱晒想微醺下嘅朋友。 總括嚟講，「殿·大喜屋」絕對係誠意之作，用放題價錢享受高級食材，師傅出菜手勢好，食物質素穩定。 小評：味道：★★★★☆環境：★★★★☆服務：★★★★☆衛生：★★★★☆抵食：★★★★☆ ❤ 餐廳：殿·大喜屋地址：旺角太子道西193號帝京酒店2樓❀感恩呢❤❤❤❤拍個好碼頭！❤❤❤❤❀☀(◕ܫ◕)✿❤❤❤❤❤❤❤❤❤❤❤合作及活動邀請❤❤❤歡迎聯絡Email:applepeggy168@gmail.comFor Collaboration and Invitation,Please send to : applepeggy168@gmail.com 這是純粹分享個人感受的小小後花園，人人DNA不同，感受因人而異，特此聲明。 免責聲明：本blog所發表的全部內容均屬個人意見及感受，並不代表該店舖或品牌之言論及立場。本blog提供的資料並不可視為詳盡及權威性的說明，亦不可取代專業諮詢。如需協助或希望獲得更多資訊,請直接聯絡該品牌查詢或∕和尋求相關專業意見。如引起任何損失或法律糾紛，本人概不負責。
