✿╮❤╭✿✿雜感女生 好味日記✿˚*•✰。Oyster House．蠔迷注意！浪漫高層食蠔記。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤ ❤朋友成日話想食餐好嘅慶祝吓，今次專登 book 咗灣仔 QRE Plaza 樓上嘅 Oyster House。上到去 25 樓一推門，即刻 feel 到嗰種浪漫情調！昏暗嘅黃燈光，襯住木紋地板同工業風金屬裝飾，帶啲英倫古典味，又唔會太拘謹。枱與枱之間隔得夠開，傾偈好自在，唔會怕隔籬枱聽到你講秘密。坐低望出去，仲有微微夜景睇，真係約會、紀念日嘅首選，未食已經加分！ 點擊圖片放大 +4 講番食物，嚟得「蠔屋」緊係要試佢嘅海鮮。我同朋友嗌咗個 Seafood Platter，一上枱已經嘩嘩聲！盤上擺滿冰，上面鋪住法國黃金螺、北海道帶子、紐西蘭青口、日式磯燒鮑魚，當然仲有主角——每日新鮮到貨嘅生蠔。蠔身飽滿，海水味重得嚟唔會過鹹，入口 creamy，淨係加兩滴檸檬汁或者少少 Tabasco 已經鮮到不得了！螺肉爽彈，帶子鮮甜，青口同鮑魚燒得剛剛好，唔會韌，整個拼盤絕對對得住個價錢。點擊圖片放大 +6 唔好以為佢淨係蠔得，啲意大利菜一樣有水準。我哋試咗 Margherita Pizza，餅底薄脆，係正宗意式口感，蕃茄醬同水牛芝士簡單配搭，香草味突出，食得出用料靚。 點擊圖片放大 原條龍蝦尾扁意粉 更加係誠意之作，龍蝦尾已經起咗肉，啖啖肉又彈牙，扁意粉掛滿龍蝦汁，鮮濃唔膩，我同朋友都搶住食！ 點擊圖片放大 最後仲嗌咗個 蠔屋香辣雞翼 做小食，估唔到又幾有驚喜！雞翼外皮香脆，辣味係慢慢滲出嚟嗰種，好惹味，送酒一流。點擊圖片放大 +13 整體嚟講，Oyster House 環境、食物、服務都交足功課。蠔迷一定要嚟朝聖；佢嘅意粉、薄餅都絕對令人大滿足我地已經諗定下次生日再嚟encore！ 食物：1.Seafood Platter，包括：法國黃金螺、北海道帶子、新鮮即送生蠔、紐西蘭青口、日式磯燒鮑魚2.Margherita Pizza3.原條龍蝦尾扁意粉4.蠔屋香辣雞翼 小評：味道：★★★★☆環境：★★★★☆服務：★★★★☆衛生：★★★★☆抵食：★★★★☆ ❤餐廳：Oyster House地址：灣仔皇后大道東202號QRE Plaza 25樓❀感恩呢❤❤❤❤拍個好碼頭！❤❤❤❤❀☀(◕ܫ◕)✿❤❤❤❤❤❤❤❤❤❤❤合作及活動邀請❤❤❤歡迎聯絡Email:applepeggy168@gmail.comFor Collaboration and Invitation,Please send to : applepeggy168@gmail.com 這是純粹分享個人感受的小小後花園，人人DNA不同，感受因人而異，特此聲明。 免責聲明：本blog所發表的全部內容均屬個人意見及感受，並不代表該店舖或品牌之言論及立場。本blog提供的資料並不可視為詳盡及權威性的說明，亦不可取代專業諮詢。如需協助或希望獲得更多資訊,請直接聯絡該品牌查詢或∕和尋求相關專業意見。如引起任何損失或法律糾紛，本人概不負責。
