✿╮❤╭✿✿雜感女生 好味日記✿˚*•✰。FireBird．抵食大檢閱！$498食到火燒雞比+火山壽司。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤ ❤ 今次同朋友去咗東薈城嘅FireBird試吓佢哋個豪華二人套餐，呢個套餐CP值好高：豪華2人套餐： HKD498 超抵食！呢間日式餐廳裝修幾有格調，食物質素高企 點擊圖片放大 +7 首先飲品方面，柚子蜜梳打同Mango-bar de Mocktail都唔錯，前者清甜解膩，後者芒果味濃，似食緊芒果布丁咁，唔會死甜。 先上精選刺身拼盤，有齊蝦、魚、帶子、三文魚同三文魚子，擺盤靚仔之餘，食材真係幾新鮮！帶子鮮甜得嚟夠厚身，三文魚肥美，最正係爆汁三文魚子，咬落「卜」一聲成口鮮味。以套餐附送嘅刺身來講，絕對收貨有餘！點擊圖片放大 +5 跟住個溫泉蛋慢煮日本雞肉凱撒沙律都令人驚喜！慢煮雞肉嫩滑到呢，一啲都唔「鞋」口，撈埋流心溫泉蛋汁同新鮮沙律菜，個感覺即刻高級咗。 點擊圖片放大 火山熔合鮭魚卷個賣相已經贏咗，真係好似火山爆發出嚟咁，上面淋滿橙色醬汁（我估係辣味沙律醬），中間係三文魚同青瓜，口感豐富。 海老天婦羅，一上枱就知無偷工減料。炸粉薄脆脆，咬落「咔嚓」一聲，入面隻蝦仲係爽彈彈，唔會炸到乾爭爭。點少少蘿蔔蓉醬汁，清新唔油膩，開胃啱啱好！點擊圖片放大 跟住係重頭戲——FIREBIRD名物火燒原隻雞比！店員拎過嚟嗰陣仲吱吱聲，仲即場用火槍燒一燒表面，皮脆到好似燒乳豬咁，但入面啲肉竟然keep到肉汁！醃得夠入味，唔使點醬已經好正，兩個人分一隻，啖啖肉超滿足。點擊圖片放大 忍唔住追加咗炙燒牛舌飯同脆炸薯條。牛舌厚度適中，燒得香口，個飯用咗珍珠米，淋咗少少燒汁，撈飯食一流！薯條即炸，新鮮脆口，灑咗少少調味粉，邪惡但停唔到口。點擊圖片放大 +3 甜品方面，跟套餐嘅雨滴餅口感得意，似食緊啫喱版水信玄餅，透明剔透，點黑糖漿食幾清爽。另外單點嘅抹茶蕨餅配黑蜜係我至愛，蕨餅軟糯煙韌，抹茶味甘香，同黑蜜簡直係絕配！點擊圖片放大 +2 總括來講，套餐性價比高到爆炸，款式多、份量足，人多的話，追加幾個精選菜式，都夠晒豐富。 小評：味道：★★★★☆環境：★★★★☆服務：★★★★☆衛生：★★★★☆抵食：★★★★☆ ❤ 餐廳：FireBird地址：東涌達東路20號東薈城名店倉B1樓B13號舖❀感恩呢❤❤❤❤拍個好碼頭！❤❤❤❤❀☀(◕ܫ◕)✿❤❤❤❤❤❤❤❤❤❤❤合作及活動邀請❤❤❤歡迎聯絡Email:applepeggy168@gmail.comFor Collaboration and Invitation,Please send to : applepeggy168@gmail.com 這是純粹分享個人感受的小小後花園，人人DNA不同，感受因人而異，特此聲明。 免責聲明：本blog所發表的全部內容均屬個人意見及感受，並不代表該店舖或品牌之言論及立場。本blog提供的資料並不可視為詳盡及權威性的說明，亦不可取代專業諮詢。如需協助或希望獲得更多資訊,請直接聯絡該品牌查詢或∕和尋求相關專業意見。如引起任何損失或法律糾紛，本人概不負責。 ♚✿*ﾟ¨ﾟﾟ･✿MsPeggy✿*ﾟ¨ﾟﾟ･✿✿Email:applepeggy168@gmail.comIg/ FB/ blogspot/ Ublog / 點評 /小紅書/ Tripadvisor/ Googlemap
