✿╮❤╭✿✿雜感女生 好味日記✿˚*•✰。星海．食靚景同肉蟹 驚喜滿分！。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤ ❤最近同朋友去咗尖沙咀 The ONE L18 樓嘅「星海」食飯，佢嘅裝潢嚇真係華麗水晶燈吊喺天花板，牆身用咗好有質感嘅裝修，無論係擺婚宴定係朋友聚會，都夠曬排場。而且呢度仲係【大眾點評商圈人氣好店】，平日都好多人嚟，想食最好提前 book 位。點擊圖片放大 最正嘅係夜晚嘅夜景！坐喺窗邊位，望住尖沙咀嘅燈火璀璨，吹住少少涼風，真係好 CHILL。如果唔使第日返工，真係想喺度多坐陣。 講到飲品，呢度好多靚酒選擇，其中支意大利莫利塞 嘅 Yara Rosso Molise 紅酒一定要試！100% Montcpulciano 葡萄釀制，口感順滑，仲有淡淡嘅果香，最重要係只需 +$128 一支，性價比超高。不過我第日要番工，唯有留番下次先再飲啦。點擊圖片放大 +3 茗茶方面，我揀咗菊花茶，入口清甜，仲有下火嘅功效，好適合呢個天氣飲。主食就梗係要點招牌菜同夏季推廣菜式啦，又抵食又大份，完全唔使驚唔夠食。 點擊圖片放大 +2 首先要推介嘅係招牌白胡椒蟹炒飯底，炒飯粒粒分明，白胡椒嘅香味好突出，仲有蟹肉嘅鮮甜，每一啖都好夠味，食到停唔到口。點擊圖片放大 +7 跟住係遠年陳皮脆皮燒鵝伴陳村粉，燒鵝皮脆到咬落「哢嚓」聲，肉質又嫩又多汁，仲有遠年陳皮嘅清香，配埋滑溜溜嘅陳村粉，簡直係絕配！點擊圖片放大 +5 百花勝瓜釀鮮蝦滑都好出色，勝瓜清甜爽脆，面頭釀滿咗彈牙嘅鮮蝦滑，蝦味好濃，食落好清新，好適合夏天食。點擊圖片放大 +3 最後嘅脆皮香橙五花肉，外皮脆卜卜，五花肉肥瘦均勻，仲有橙嘅酸甜味，中和咗油膩感，食多幾舊都唔覺滯。 總體嚟講，星海（The ONE）真係一間好值得再嚟嘅酒樓，無論係環境、食物定係服務都好掂，節日套餐家人都讚好，冬至新年一定再幫襯！ 茗茶：菊花茶 好適合呢個天氣主食：1.招牌白胡椒蟹炒飯底2.遠年陳皮脆皮燒鵝伴陳村粉3.百花勝瓜釀鮮蝦滑4.脆皮香橙五花肉 小評：味道：★★★★☆環境：★★★★☆服務：★★★★☆衛生：★★★★☆抵食：★★★★☆ ❤餐廳：星海 (The ONE)地址：尖沙咀彌敦道100號The ONE L18樓層❀感恩呢❤❤❤❤拍個好碼頭！❤❤❤❤❀☀(◕ܫ◕)✿❤❤❤❤❤❤❤❤❤❤❤合作及活動邀請❤❤❤歡迎聯絡Email:applepeggy168@gmail.comFor Collaboration and Invitation,Please send to : applepeggy168@gmail.com 這是純粹分享個人感受的小小後花園，人人DNA不同，感受因人而異，特此聲明。 免責聲明：本blog所發表的全部內容均屬個人意見及感受，並不代表該店舖或品牌之言論及立場。本blog提供的資料並不可視為詳盡及權威性的說明，亦不可取代專業諮詢。如需協助或希望獲得更多資訊,請直接聯絡該品牌查詢或∕和尋求相關專業意見。如引起任何損失或法律糾紛，本人概不負責。
