✿╮❤╭✿✿雜感女生 好味日記✿˚*•✰。喫茶ちょうぼ．蟹膏控同甜品怪必食。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤ ❤呢間位於銅鑼灣世貿嘅「喫茶ちょうぼ」好驚豔我！平時行開銅鑼灣都係由朋友發版多，今次撞手神試到呢間，真心覺得係寶藏店～由飲品到主食再到甜品，樣樣都有驚喜 點擊圖片放大 +9 飲品：靚到唔捨得飲，味道仲要滿分！首先，佢哋杯「夏祭金魚梳打」真係不得了～一上枱，嘩！真係有4條金魚軟糖喺杯底游緊水，橙橙黃黃嘅顏色，睇落已經透心涼！氣泡夠足，仲有淡淡嘅柚子香，啲金魚軟糖浸耐少少會變軟，咬落去juicy得嚟又唔會搶味。成杯嘢靚到相機食先，但味道一樣keep到水準，抵讚！點擊圖片放大 另一杯「柿子香露」就更加出乎意料～平時好少見到柿子做飲品，以為會好甜，點知一飲，嘩！清新到爆！味道天然，有花香，又有果香，微微嘅甜香加上碎冰口感，解膩一流！ 主食：蟹膏爆炸多，食到舔舔脷！佢哋嘅「蟹旨膏醬唐揚炸雞」真係無得頂～炸雞外皮脆到「咔嚓」聲，咬開肉汁多到呢！重點係自己點的蟹膏醬油香十足又濃郁……同炸雞嘅油香撞到正一正！點擊圖片放大 +2 跟住係「贅沢蟹黄膏蛋包飯」，一上枱已經有睇頭！隻蛋包飯勁好睇！一切開淋上去，滿滿幸福感！周圍都係橙黃色嘅蟹皇膏！撈勻啲飯，每一啖都食到蟹肉同膏香，成個組合豐富到呢……蟹控必叫！點擊圖片放大 +6 最後個「屋台風蒜香意粉」一食就知中招！好好食！。蒜的香氣入晒意粉，殼意粉掛汁力強，每條都索滿蒜油同醬香，仲有啲煙肉碎增加鹹香，簡單但入味到不得了，證明廚師功力夠晒深厚～點擊圖片放大 +2 甜品：南瓜芝士蛋糕，超級濃郁！食到飽飽，本來諗住叫件甜品試吓算，點知件「完熟南瓜濃香芝士蛋糕」一入口，即刻醒神！南瓜味天然香甜，芝士層綿密濃郁，兩者平衡得啱啱好，一啲都唔膩。食完真係有種幸福嘅感覺，完美收官！ 點擊圖片放大 呢排好正，10月份有特別推廣 ：《清涼一夏. 西瓜幸運祭》即日起，當月消費滿$200，即可享有夾西瓜機會！消費滿$400，則有2次機會驚喜獎賞包括：1.「原個西瓜飲一客」優惠券（即時享用，冰涼暢快！）2. 減壓西瓜 & 自選蛋包飯優惠券3. 西瓜波 & 自選小食優惠券 食左乜：飲品：好有特色：1.夏祭金魚梳打：真係有4條金魚軟糖，好靚又好飲2.柿子香露 ：好清新，意想不到 主食：1.蟹旨膏醬唐揚炸雞：雞好多汁，好脆好正2.贅沢蟹黄膏蛋包飯：勁多蟹皇，睇得到蟹肉！3.屋台風蒜香貝殼意粉 ：好香入味，估唔到咁夾！ 甜品：完熟南瓜！濃香芝士蛋糕 小評：味道：★★★★☆環境：★★★★☆服務：★★★★☆衛生：★★★★☆抵食：★★★★☆ ❤餐廳： 喫茶ちょうぼ (銅鑼灣) 地址： 銅鑼灣告士打道280號世貿中心4樓8號 ❀感恩呢❤❤❤❤拍個好碼頭！❤❤❤❤❀☀(◕ܫ◕)✿❤❤❤❤❤❤❤❤❤❤❤合作及活動邀請❤❤❤歡迎聯絡Email:applepeggy168@gmail.comFor Collaboration and Invitation,Please send to : applepeggy168@gmail.com 這是純粹分享個人感受的小小後花園，人人DNA不同，感受因人而異，特此聲明。 免責聲明：本blog所發表的全部內容均屬個人意見及感受，並不代表該店舖或品牌之言論及立場。本blog提供的資料並不可視為詳盡及權威性的說明，亦不可取代專業諮詢。如需協助或希望獲得更多資訊,請直接聯絡該品牌查詢或∕和尋求相關專業意見。如引起任何損失或法律糾紛，本人概不負責。
