✿╮❤╭✿✿雜感女生 好味日記✿˚*•✰。天下糧倉．真．牛魔王天堂。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤ ❤$300蚊狂隊澳洲和牛+鵝腸+雪糕任食｜旺角抵食之選講真，香港人打邊爐真係唔使睇季節㗎！尤其係約齊成班friend食飯，最緊要夠爽夠豪。今次同班牛魔王戰友殺上旺角「天下糧倉」，真係未入門口已經聞到陣陣牛香，個胃即刻打晒鼓咁款！點擊圖片放大 +3 🥬自助區掃貨攻略除咗牛肉，個自助區簡直係寶藏！鵝腸肥美；牛百葉任食，又白又乾淨。蔬菜區嘅唐生菜青綠到似剛摘落嚟，鴨血任拎，豆卜索湯能力100分！點擊圖片放大 +4 🔥全牛宴震撼登場店員捧住個龍鼎鍋上枱嗰陣，我同朋友個嘴真係O晒！成盤高水準嘅「究極和牛拼盤」，一上台就瘋狂吸引手機先食！澳洲M7和牛啲雪花靚到似藝術品，燈光一照仲識反光㗎！Prime牛板腱切到透光，拎起嚟仲有彈性咁震震下。最癲係塊安格斯牛肩胛，啲油花分布似大理石紋理，我個friend忍唔住用手機打燈影足三分鐘先肯落鍋！ 點擊圖片放大 🐮鮮到識跳嘅牛肉講真，食過咁多間放題，呢度嘅牛肉新鮮度真係數一數二。特別係個「鮮牛肉」，師傅即日手切，落湯三秒撈起，肉汁多到要用碗接住！封門柳嘅肉味濃到似飲緊牛肉茶，個澳洲和牛金錢展仲過分，入口即溶得嚟仲有淡淡奶香，搞到我連淥五塊先夠喉。點擊圖片放大 +3 🍲鴛鴦湯底有驚喜我哋揀咗喇沙湯x潮汕牛骨湯，個喇沙湯底真材實料到癲，飲落去辣中帶甜，我狂放豆卜入去索湯而個牛骨湯就落足料熬，我見到湯底仲有幾舊牛骨喺度滾緊，朋友話要打包個湯底返屋企煮麵！點擊圖片放大 +6 🍦本地雪糕有驚喜以為任食雪糕求其啦？錯！呢度供應香港品牌雪糕，個朱古力香濃到顛，柚子味清新，平衡得剛剛好。食多幾杯就可以幫個胃「降溫」！點擊圖片放大 💯性價比爆燈$300零蚊任食呢個質素，我同班friend真係食到唔捨得走。今次真係食到「牛」轉乾坤！ 小評：味道：★★★★☆環境：★★★★☆服務：★★★★☆衛生：★★★★☆抵食：★★★★☆ ❤餐廳：天下糧倉牛肉火鍋專門店地址：旺角西洋菜南街1A-1K號百寶利商業中心5樓501-506號舖❀感恩呢❤❤❤❤拍個好碼頭！❤❤❤❤
