✿╮❤╭✿✿雜感女生 好味日記✿˚*•✰。老荔冰室．懷舊冰室 夠晒老黎！。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤ ❤最近同朋友又去左搵老黎野！老荔冰室！講真，香港冰室多到數唔晒，但呢間真係由裝修到食物都「老荔」得嚟又夠晒「貼地」，仲要性價比爆燈，難怪開業無耐已經成為荔枝角街坊同OL嘅飯堂，連健身猛男都專登過嚟幫襯！點擊圖片放大 先講環境：戲棚龍鳳牆，打卡打到手軟一入門口就俾佢個戲棚簷篷設計吸引住，紅燈、舊式鐵閘花紋，仲有牆身大大幅龍鳳雕刻，完全係將香港七八十年代情懷搬咗入舖！最抵死係連杯碟都印住啲港式金句同謎語（坐低未食已經瘋狂影相。老闆明顯唔係淨係賣食物，仲賣緊份集體回憶！點擊圖片放大 +2 飲品篇：奶茶紅豆冰 x 阿華田火山「奶茶紅豆冰」絕對係驚喜之作！奶茶茶底夠厚，紅豆煮到起沙但唔會過甜，兩者撞埋一齊竟然出奇地和諧，飲落有層次得嚟又解膩，配濃味主食一流。至於朋友encore嘅「阿華田脆脆火山」，賣相已經贏晒——杯面堆滿阿華田粉同脆脆，撈勻後每啖都係童年回憶，甜度剛好唔會齁喉，飲完成杯都唔覺滯。老闆仲好細心提供少甜option，抵你紅！點擊圖片放大 主食篇：花膠雞湯米線 vs 增肌蒟蒻麵作為食肉獸，首推「花膠雞阿媽足料雞湯米線」！一上枱就聞到陣濃郁雞味，湯底真係冇偷工減料，飲得出老火雞湯嘅甜味，花膠厚身又彈牙，雞肉仲要係去皮嫩雞髀肉，啖啖肉唔黐牙。米線索盡湯汁，食完成個人都暖笠笠，女人補膠原，男人補體力，正！點擊圖片放大 +4 不過全場最驚喜反而係佢個「增肌減脂手撕雞清湯蒟蒻麵」！睇餐牌寫住「約35g蛋白質」已經雙眼發光，手撕雞份量多，蒟蒻麵爽口零負擔，湯底清甜唔油膩，絕對係健身人士恩物。我坐低半個鐘，已經見三四個大隻仔柯打，果然係隱藏版增肌食堂！點擊圖片放大 +2 其他主食如滑蛋蟹肉飯（蛋漿流心，蟹肉鮮甜）同鮮蝦餅酸辣米線（蝦餅彈牙，酸辣湯醒胃）都水準之上，老荔冰室呢碟滑蛋蟹肉飯，真係落足本用真·蟹肉！一啖舀落去，見到一件件嘅蟹肉，唔係啲溝咗粉嘅假貨，仲要大大件，夠鮮甜！重點係個滑蛋，師傅火候控制得啱啱好，蛋漿半凝固狀態，嫩滑到好似絲綢咁溜入口，完全唔會過老或者出水。蛋香濃郁，撈埋啖啖蟹肉同熱辣辣白飯，絕對係良心之作點擊圖片放大 +4 個鮮蝦餅酸辣米線真係必試！首先，個鮮蝦餅絕對係亮點——超·級·彈·牙！一咬落去，蝦肉嘅鮮甜即刻湧出嚟，質感爽脆，完全冇溝多餘嘅粉漿，真材實料！外層煎到金黃，帶少少焦香，入面依然保持juicy點擊圖片放大 +5 老荔冰室最難得係「有gimmick但唔hea做食物」，由湯底到配料都睇得出落足心機，價錢仲要貼地好食又低食 小評：味道：★★★★☆環境：★★★★☆服務：★★★★☆衛生：★★★★☆抵食：★★★★☆ ❤餐廳：老荔冰室地址：荔枝角青山道495號誠信中心地下1號舖❀感恩呢❤❤❤❤拍個好碼頭！❤❤
