✿╮❤╭✿✿雜感女生 好味日記✿˚*•✰。元朗冰室．魔鬼豬扒包撞邪級好味！。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤ ❤呢間係「邪惡度爆燈」嘅茶記——元朗冰室！雖然個名有「元朗」兩字，但佢其實藏身喺尖沙咀橫街，唔少街坊已經當咗佢做「飯堂」。點擊圖片放大 +3 飲品篇：紅豆冰混凍咖啡，飲出江湖智慧首先，一定要讚佢哋嘅紅豆冰——多料到癲！一啖飲落去，紅豆多過奶，粒粒起沙又綿密，甜度剛好唔會「漏喉」，仲要夠晒冰凍，夏天飲真係「救命級」。 至於熱奶茶，茶底濃到似「絲襪奶茶」嘅升級版，入口順滑帶微微澀香，係正宗港式風味。 但全場最驚喜係凍咖啡！我自己搞左一個「秘飲」：將紅豆冰同凍咖啡撈勻飲！一試之下……嘩！ 咖啡嘅苦香撞上紅豆嘅甜，竟然夾到似「鴛鴦2.0」，仲有豆蓉增加口感，呢個配搭真係要試！我已經將「秘技」教左店員，下次寫上MENU！WKAKKA！ 主菜篇：魔鬼豬扒包，厚到犯規！1. 魔鬼醬厚豬扒包見到實物真係嚇親——塊豬扒長過部手機，厚度超過1cm！ 麵包烘到微脆，豬扒煎得外層焦香，咬落去juicy到爆汁，仲要塗滿秘製「魔鬼醬」酸甜帶微辣，食完成個包真係要「抖大氣」！「邪惡度：★★★★★」點擊圖片放大 +2 3. 炸雞髀呢度嘅炸雞髀絕對有資格叫板「髀王」！雞皮炸到金黃脆卜卜，咬開仲有肉汁滲出，最正係佢哋嘅秘製醃料——帶少少五香粉同蒜香，唔會死鹹，食完連手指都要啜乾淨！ 2. 厚豬扒配辣肉醬飯如果話豬扒包係「輕量級」，咁呢個飯就係「重量級挑戰」！豬扒同樣厚切，但配咗一灘自家製辣肉醬，肉碎炒得香辣惹味，撈飯食簡直「停唔到口」。重點係豬扒醃得入味，肉質鬆化唔柴，正！ 點擊圖片放大 4. 沙薑雞飯（雞有雞味！）茶記整雞飯通常「伏多過食」，但呢度嘅沙薑雞竟然夠晒「雞味」！雞肉滑溜唔「鞋」，沙薑醬油香而不鹹，滑到難以置信，以為係專賣雞店！ 點擊圖片放大 +5 甜品篇：一口西多士，甜魔必點食到飽晒都忍唔住叫份一口西多士！上枱時淋滿煉奶同朱朱力醬，炸得外脆內軟，一啖一粒剛剛好。最過癮係佢哋玩「黑白雙喜」——煉奶+朱古力醬，甜而唔膩，「飯後血糖飆升」都值得！ 點擊圖片放大 +2 元朗冰室嘅食物，份量、味道、價錢全部平衡得剛剛好，尤其係佢哋對「厚切肉」嘅執著，真係食得出誠意。減肥……well 係咩來的？「食完要減肥」囉！ 小評：味道：★★★★☆環境：★★★★☆服務：★★★★☆衛生：★★★★☆抵食：★★★★☆ ❤ 餐廳：元朗冰室地址：尖沙咀金馬倫道48號中國保險大廈地下A2號舖 ❀
