✿╮❤╭✿✿雜感女生 好味日記✿˚*•✰。Green Orange．上環隱世高質西餐！。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤ ❤今次同朋友去上環傾生意，去了 Green Orange(樓上西餐廳)兩個人食到飽飽，埋單竟然 唔使$600 ，仲要食物質素不錯 環境：靜中帶格調，傾生意一流推開餐廳木門，第一感覺就係 「舒服」！全場唔算大，但枱與枱之間空間充足，坐嘅係深啡色皮梳化，燈光柔和得嚟又夠光睇文件。我哋晏晝13:00到，見到有幾枱都係西裝友傾緊生意，環境唔會太嘈，傾偈完全唔使就住就住，啱晒慢慢食、慢慢傾。點擊圖片放大 餐前驚喜：南瓜湯濃郁到「掛勺」跟餐嘅 南瓜湯 一上枱就聞到陣陣南瓜香，質地濃稠，入口順滑，南瓜甜味天然飲完成個胃暖笠笠，好開胃！ 廚師沙律：新鮮到似即摘今日嘅沙律係 沙律菜配小番茄 ，簡單但超新鮮！沙律菜脆嫩冇苦澀味，小番茄甜到似水果，仲加咗少許松子同黑醋汁，酸酸甜甜好醒胃。 主菜 1：香草酥石斑魚排 – 皮脆肉嫩平時西餐好少見用 石斑魚 做魚排，今次真係有驚喜！魚皮煎到 金黃香脆 ，咬落「咔嚓」一聲，而魚肉仍然保持嫩滑多汁，一啲都唔乾。最正係面頭撒咗混合香草同檸檬皮嘅麵包糠，帶出淡淡清香旁邊嘅 焗薯仔 亦係亮點，外層微脆，內裡軟綿，加咗少許香草同蒜蓉調味，食到停唔到口！點擊圖片放大 +2 主菜 2：24小時慢煮西班牙豬仔脾 – 入口即化身為慢煮控，呢個 豬仔脾 絕對係滿分之作！用刀輕輕一壓，肉已經 自動散開 ，入口即化，肉質鬆化得嚟又唔會爛，仲帶微微嘅豬肉甜香。醬汁濃郁得嚟唔會太鹹，仲有少許蒜香同香草味，撈埋底下嘅 薯蓉 一齊食，真係飽到上心口！點擊圖片放大 +3 飲品：凍檸茶、熱咖啡都有心思• 凍檸茶 茶記香濃的檸檸香，篤篤篤檸檬，酸甜平衡，好refreshing！• 熱咖啡 都唔馬虎，飲落有堅果香，好適合飯後慢慢歎。 Green Orange環境舒服，侍應服務細心，絕對係上環隱世好店，下次傾生意或者約朋友食飯，一定會再encore！ 小評：味道：★★★★☆環境：★★★★☆服務：★★★★☆衛生：★★★★☆抵食：★★★★☆ ❤餐廳：Green Orange地址：上環永樂街50號昌盛大廈2樓 ❀
