✿╮❤╭✿✿雜感女生 好味日記✿˚*•✰。Odelice.浪漫2人晚餐。✰•*˚✿✿小資女的Dolce Vita✿✿❤餓底飯聚.食勻全世界❤❤吾係POL - Peggy On Line.Proof Of Life❤ ❤法國菜一向畀人感覺高檔、價格唔親民,但尖沙咀 The ONE 4 樓嘅 Odelice!就打破呢個固有印象,成為一間超抵食嘅法國餐廳,時不時仲有新驚喜,味道好,CP 值高,難怪令人不斷幫襯。 點擊圖片放大 +2 一坐低,先上嘅餐湯係薯仔忌廉湯,湯一入口,濃郁嘅香味即刻散發喺口腔,口感細滑。搭配嘅麵包,非常可口,脆而香軟一啲都唔乾硬,果然法國嘅麵包就係做得特別出色。點擊圖片放大 +2 特飲: 1.Sangria Blanche (右)呢杯 Sangria Blanche 真係正到痹!個底用嘅好似係清爽嘅白酒,入口嗰陣,陣陣氣泡喺舌頭上面跳緊舞,清清爽爽,入面嘅生果粒仲要係靈魂所在!再加上啲新鮮嘅橙,嗰股清新嘅柑橘味一嚟即刻將成杯嘢嘅層次拉高 2.Winter Cranberry Fizz Mocktail呢杯 Winter Cranberry Fizz Mocktail 真係好正!望落去,嗰個鮮紅嘅顏色,即刻就諗起冬天嗰啲掛喺樹上嘅紅莓,好有節日氣氛。一飲落口,濃郁嘅紅莓味就爆發出嚟喇,個酸甜香爽好醒神,一啖就令成個人精神曬香氣平衡得好掂,味道豐富 頭盤嘅法式點心拼盤好豐富。包括:蟹肉他他,蟹肉新鮮清甜,口感清爽;三文魚醬配麵包,三文魚醬味道濃郁,同香軟嘅麵包簡直絕配;迷你蛋批,外皮酥脆,內餡滑嫩;炸黑松露蘑菇球,咬落去黑松露香氣四溢;西班牙火腿,鹹香適中,每一款都令人回味無窮。 點擊圖片放大 +3 主菜A:原隻烤龍蝦,一上枱,芝士同忌廉嘅香氣撲鼻而來,大蔥嘅加入更添風味。龍蝦肉新鮮彈牙,咬落多汁又鮮甜,肉厚得嚟又好鮮。旁邊大量嘅龍蝦番茄汁,酸酸甜甜,配埋健康嘅酸種麵包,真係一絕。點擊圖片放大 +6 主菜B:阿根廷安格斯牛扒,煎到五成熟,切開嚟粉嫩多汁。牛肉嘅香氣好突出,肉味濃郁,每啖都充滿住油脂香。搭配嘅薯條夠粗壯,外脆內軟,配上番茄汁,一啲都唔會膩,一上桌好快就清光。 點擊圖片放大 +2 到甜品時間,蘋果肉桂可麗餅登場。有一球雲呢拿雪糕,為整個甜品增添冰涼嘅口感。大量嘅蘋果與肉桂搭配,肉桂香氣濃郁,蘋果清甜,可麗餅軟糯,真係好睇又好食,令人愛不釋口。 Odelice! 呢間餐廳,無論環境定食物質素都好出色,價錢又唔貴,真係好適合情侶嚟享受浪漫嘅 2 人晚餐。 小評:味道:★★★★☆環境:★★★★☆服務:★★★★☆衛生:★★★★☆抵食:★★★★☆ ❤餐廳: Odelice! (The ONE)地址: 尖沙咀彌敦道100號The ONE 4樓L407號舖