✿╮❤╭✿✿雜感女生 好味日記✿˚*•✰。Banchan and Cook．一吃愛上花花世界。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤ ❤位於太古城中心的 Banchan and Cook，一踏入店內已經感受到滿滿的 「鮮花氛圍」，裝修好時尚亦很夢幻，有種走進童話的感覺成排的鮮花牆，配合柔和燈光，根本係專為打卡而設！環境方面，無論係約會定三五知己聚會都啱啱好，尤其係啲 2人餐既份量十足，價錢合理之餘仲可以食得滿足，CP值高得嚇人。 點擊圖片放大 +3 自助服務：方便又高質 呢間餐廳採用自助模式，落單後去櫃檯拎餐，簡單又快捷。雖然係即棄餐具，但設計精美，特別想提下佢哋個自助水吧，免費提供的唔止有普通檸水，仲有火龍果雜果等清新口感，細節位真係做到位。 點擊圖片放大 +4 飲品：高顏值＋高質素白桃甜蜜梳打呢杯飲品唔單止靚到令人唔捨得飲，入口更加清甜有層次。桃味香氣自然，配上梳打既微氣泡感，飲落好refreshing，岩晒熱愛打卡又追求健康既人。 焦糖鮮奶咖啡一杯就有種咖啡店既精緻feel，焦糖既甜香同咖啡既微苦平衡得岩岩好，加埋綿滑既鮮奶，成個口感好有層次飲完令人心情都靚晒！ 食物：每款都夠創意！炸雞拼盤（自選三款口味） 炸雞拼盤係必試！可以自選甜辣、柑橘同蜜糖三種味道。雞件炸得外脆內嫩，三款味道各有特色： 甜辣：微辣得嚟唔會搶味，啱晒鍾意帶啲kick既人。柑橘：清新果香好特別，食多幾件都唔會膩。蜜糖：甜而不膩，細路仔同甜黨一定會中意。 點擊圖片放大 +5 墨汁大蝦魚籽意粉呢道真係創意十足！黑色墨汁既意粉唔單止吸睛，仲有海鮮鮮味。加上大蝦同魚籽點綴，色香味俱全，感覺係將意大利同亞洲口味做左一個完美既結合。 點擊圖片放大 肉醬牛胸肉蛋包飯一睇就係 「靚到唔捨得食」 果款。嫩滑既蛋包住粒粒分明既炒飯，加上肉醬同牛胸肉既搭配，味道豐富得黎又唔會over。打卡影相又得，味道又有水準。 點擊圖片放大 +6 甜品：食花飲花，完美句號甘筍Oreo慕絲蛋糕餐後甜品簡直係 驚喜收尾！蛋糕造型別緻，甘筍既自然甜味同Oreo既濃郁朱古力味混合，輕盈而唔膩口，每一啖都係幸福感爆棚。 鮮花元素加上高顏值既食物飲品，無論係想食得飽、影靚相，定係單純追求一個 「公主Feel」，呢度都可以滿足下次約人食飯，真係唔可以錯過呢度！ 小評：味道：★★★★☆環境：★★★★☆服務：★★★★☆衛生：★★★★☆抵食：★★★★☆ ❤餐廳：Banchan and Cook地址：太古太古城道18號太古城中心2樓222A號舖
