極尚大喜屋放題一向高質,食開就成日心思思想食,放假又去食返餐。食放題除左佢既刺身壽司外,仲有出面既自助區都係好精彩既,當日熱盤有鮑汁豬手,老北京烤鴨卷,炸餃子同小丸子等,鮑汁豬手係好入味充滿骨膠原,估唔到自助區都咁好味喎👍跟住就當然係重點咁食壽司同刺身啦,泰式虎蝦好新鮮爽口有蝦味,泰式酸辣汁又醒胃,正!壽司有好多款都好好食,首推鵝肝壽司,真係好香,每件鵝肝俾得大件,係必食回本之物!黑松露赤蝦壽司都好正,黑松露白松露系列壽司俾得大方,黑松露會較香口! 埋尾食多個花膠燉鮮奶,滋補又香滑!點擊圖片放大 +7 極尚大喜屋地址: 旺角彌敦道639號雅蘭中心4樓#放題