提及理財投資，我身邊總有朋友比較忌諱 (雖知財不可露眼) 但我往往聽到回笞多有 - 唔識 - 冇時間睇 - 投資咪又係賭博 - 食都唔夠食仲學人投資 - 投資有風險喎，放係銀行最安全 要知道全球現行負利率時代、貨幣貶值以及通脤等因素，依刻夠洗但你確保下一刻或退休夠洗嗎？ 35%億萬富翁未上過/完成學士課程，甚多有錢人亦係白手興家。難道每一位一開始就通曉投資及有精準市況行情配合? 咪又係邊學邊做! 但若果閣下屬於人云亦云，希望一投資就可於一個月或短時間內有一筆可觀回報，咁就真係賭仔心態不如過大海仲快，嚟得直接了當！因為投資最主要係睇有冇延續性同將來日後長遠回報，忌短視近利。 其實理財最先睇自己有冇一個決心同訂立目標! 坊間投資工具林林總總，最常見不外乎股票、外幣及基金等 今日我分享一下自己的理財方法，我自己買股票鍾愛內銀股及公用股 第一: 相對一些仙股及毫股穩健 第二: 多有息收，或派碎股分紅 我試列舉幾隻香港人最常買內銀股或公用股: 中電控股 (00002) 中華煤氣 (00003) 匯豐控股 (00005) 建設銀行 (00939) 盈富基金 (02800) 中國銀行 (03988)等等 個人會將薪金分數等份，每月一定有一份作投資用途，寧可食少啲玩少啲都要做到! 我自己會每一個月去供股 計平均入市價，或許入市個價未必最抵最靚但分開十二個月計價位有高有低 i.e. 中國銀行 (03988) 52周高位: $3.880 52周低位: $2.830 以每1手1000股為例，假設中國銀行(03988) 現時股價為$3.590，每1手入場費股價乘以股數，即$3.590 x 1000股 = $3590 假設每月都購入一手 1 月 - $3110 2 月 - $2990 3 月 - $3240 4 月 - $3300 5 月 - $3480 6 月 - $3670 7 月 - $3880 8 月 - $3720 9 月 - $3770 10月 - $3690 11月 - $3880 12月 - $3610 Total: $42340 計算平均入市價: 將所有買入價錢先加上再除12(個月) ($3110 + 2990 + 3240 + 3300 + 3480 + 3670 + 3880 + 3720 + 3770 + 3690 + 3880 +3610) / 12 = $3528.3 只要股價處於$3.528之上就賺錢，就算依一刻入市價位係比現股價高少少都無傷大雅，因為我地係長期投資，長遠計有價值股票會因時間同通脹而升值。另外此股現時息率有5.831% (當然會隨市道、公司業績及股價有變)，但我自2012年有印象中最高息率曾於7%以上，以今年計全年每股派息$0.207若12個月都買齊，一年便持有12000股，$0.207 x 12000 = $2484利息。總比存於銀行好。 徜若每月開支真的非常緊繃，可考慮供碎股模式，即1000股的中國銀行(03988)可以月供100股或其他比例供股。 真的，你不理財財不理你。正所謂積少成多，就由少做起吧!
