Origins 靈芝菇菌抗逆健膚潔面水 見依一支卸妝水快用完,係時候要俾評分佢。 其實最開始我買嘅原因,係因為當時新品、仲有就係博士研發嘅護膚系列兼夾成份中有靈芝菇菌。嘩!名貴藥材喎,對我嚟講好大衝擊。就想試試睇,但其實買返嚟以後我都是用嚟卸唇妝,冇特別再用嚟卸底妝同眼妝。因為我覺得價錢太貴,如果我用嚟卸全個面妝,咁我咪好快用曬佢。我心會超級痛! 卸唇 一開始我覺得個氣味比較怪,但是之後可能用習慣,我覺得聞落好舒服同清新感覺就淡淡靈芝味。 為左試俾大家睇,我用佢黎卸我全面(好心痛);P 對於一個平常用開卸妝油同three-in-one facial cleanser嘅人嚟講,用卸妝水去卸眼妝同底妝真係有啲麻煩。眼我鍾意單獨分開,所以我用兩片卸妝棉去處理,而底妝連頸我就用咗四片。(不過我係卸妝棉前後兩面都有用到) 卸妝過程感覺很清涼,如果到一啲比較乾燥部位會有少少嗱嘅感覺但總體係舒服。我本身皮膚比較薄同易泛紅,卸完之後,我面上嘅暗瘡冇惡化同膚色均勻咗。用完亦唔會抽乾皮膚,好保濕仲有本身卸妝水淡淡香味! 再嚟! 由上而下 1. Eyeshadow by BareMinerals 2. Lipstick by Chanel 3. Concealer by Fancl 4. Gel eyeliner by Nars 5. Eyeliner by Maybelline 兩隻eyeliner最難卸,要大力捽多幾下(最後紅咗)先卸乾淨 通常市面上嘅卸妝水都聲稱卸妝、潔面同爽膚three in one,唔洗再過水同用洗面乳。但我覺得如果卸妝後仲有化妝品殘留係面上,阻塞毛孔之餘咁後續嘅護膚品都係徒然!我就用Melvita潔膚水做二次清潔,測試佢嘅潔淨能力。 都係有少少殘留物,不過效果都算理想!回購就應該唔會,因為價錢比較貴平均1ml要$1.475再加上每次用作卸全妝都需要一定份量,唔夠划算!佢開封後保質期可長達24個月! Available at Origins $295/200ml