不經不覺，成為折翼的小鳥已經一年有多。對於我呢種，從前只要有空檔就會飛一轉「食、玩、買」的人嚟講，簡直係地獄般的生活。唔知你會唔會同我有同一樣嘅感受，每當打開IG或手機中的照片程式，其中有一項功能叫「當年今日」，它會常常不經意地提醒你那些愉快無憂的時光，令到好耐無得飛嘅我，更添一份沮喪感。適逢近日，多咗好多身邊嘅朋友都出發去一個要坐16小時飛機的國家，而我又有幸曾經係當地留下數條汗毛，藉著呢個機會同大家分享其中我認為值得去的地方。假若你現時身處呢個國家，而時間又許可的話，非常推薦你去參觀或感受一下。可以的話，話埋比我知和我當年去嘅時候有沒有什麼大變化。講到呢度，聰明嘅你應該都估到係邊個國家啦？無錯，就係英國。提及英國，第一時間一定係諗起倫敦！宜家就嚟同大家分享兩個倫敦市內zone 1區域值得一遊的地方。Hype Park位於市區，被數個地鐵站包圍著，非常容易徒步到達。而且與肯辛頓宮(Kensington palace)及肯辛頓花園(Kensington garden)相連，如果要經過呢條路的話，不妨選擇進公園逛逛。點擊圖片放大 +3 以上照片全無濾鏡，手機拍下原相直出。歷史果啲我唔多講了，有興趣維基百科已經一清二楚，加上我呢啲藝(偽)術家性格既人係比較著重情感/個人感受呢一部分。每當我步入呢個公園的瞬間，時間好像靜止了一樣。很舒適，很休閑，很寫意；是一望無際的，是無拘無束的。我記得我成日係呢度逗留直至天都黑哂先捨得走，實在係太靚！呢個公園亦成為咗當時我經常去嘅其中一個地方。Southwark Cathedral差點忘記了這座教堂的名字，位於倫敦橋(London Bridge)附近的一座大教堂，點去就自己搵啦！（我只係記得當時我係行左一條都幾長既橋步行到達。）圖二、三為過橋中的風景點擊圖片放大 順帶一提，教堂旁有個小型熟食市場，選擇都幾多，可以留肚試多幾樣美食。點擊圖片放大 +2 陽光襯托下，教堂玻璃窗上面的圖案顯得格外漂亮。（藝術阿～）教堂都幾大，其實仲有好多靚既位置，可惜我當時太專注欣賞，好多靚位都留咗係記憶裡面，沒有拍照記錄。好啦，打到攰攰地，今次講住噤多先！我都夠鐘要去拎紙巾印一印我果兩行思念既眼淚和鼻涕。走先啦，係噤先啦，下次再講啦～
