一年一度荷包出血之表哥生日，和表哥表姐到著名的Jamie's Italian 慶祝慶祝。 到達後大約八點已經坐滿哂人 :lol: 好彩book定位 要食就book定啦:p 環境我其實冇影好多 入正題啦 冇錯就係嘢食啦 呢杯就係佢特別推介嘅是日mocktail 同cocktail. Um......味道就真係太特別 對我地黎講係完全伏 你想挑戰嘅 可以一戰嘅 :mrgreen: Btw呢個funghi pizza 冇得彈 d雜菌同芝士味勁香 火箭菜嘅 fresh中香左芝士嘅膩 個pizza 脆得黎又有咬口 真心可以一試 Truffle risotto 呢個risotto唔會太硬 松露味香得黎又唔會太gas味 又唔會話好膩 都幾好味 :-P 青口意粉 如果食開清淡嘢嘅你呢個就啱哂 清清地又幾香 不過要食一定要趁熱 凍左意粉個texture 有少少奇怪唔知點解 8-O 個薯條就一流 個burger就可免則免啦 因為個漢堡扒overcook 令到 牛肉又硬又乾 仲有d焦 令食落好苦 我唔係好鐘意呢個 :roll: 不過呢個epic brownie 真係好值得一讚 個雪糕係海鹽焦糖味 當popcorn再加雪糕再加暖心嘅brownie 我個味蕾真係要爆炸 好好味呀救命 如果可以食極唔肥 我會食十個 :lol: 餐飯係對我呢個未投身社會工作嘅小屁孩可能有d奢侈 不過用儲到嘅零用錢去請由小到大都好錫自己嘅人食就好值得。愛比金錢更重要，把金錢放在值得的地方，好好和你愛的人吃一頓，味道即使未必很好也好，但在未來這些美好的回憶都能為食物的味道添上一份厚道。哈哈有d語無倫次添，不過記得好好愛你身邊愛你嘅人呀 :lol:
